Билл Гейтсийг Бразилиас хөөжээ

Microsoft компанийг үүсгэн бай­гуулагч Билл Гейтс энэ сарын 19-ний өдөр Бразилид амарч байгаад хөөгдөн явжээ. Гейтсийн хамт түү­ний хэдэн найз нар мөн тэндээс яв­сан байна. Тэднийг Риу-Негру голоор явж байхад нь саатуулжээ. Хөлөг онгоцны баг нь ажиллах зөв­шөөрөл аваагүй хүмүүс байсан гэнэ.

Билл Гейтс малчдад тусална

Дэлхийн банк өнгөрөгч дөрөвдүгээр сард буюу “Их 20″-ийн уулзалтын үеэр баталсан, шинээр хэрэгжүүлж буй хөтөлбөрийнхөө хоёр дахь ээлжинд Монгол, Этиоп, Нигер гэсэн гурван улсад 97 сая ам.доллар олгохоор болжээ.
Хүнсний хэрэглээгээ нэмэгдүүлэх, хөдөөгийн хүн амын орлогыг өсгөх, бага орлоготой малчин, тариаланчдын үйлдвэрлэлтийг бууруулах чиглэлээр олгож буй энэ хөрөнгийн 12.5 сая нь манай улсад ногдох аж.
Хөтөлбөрийг санхүүжүүлэх зорилгоор АНУ, Өмнөд Солонгос, Испани, Канад, Австрали улсаас гадна дэлхийн тэргүүн баян Билл Гейтс ч хандив өргөсөн байна.
Дашрамд дуулгахад эхний тусламж болох 224 сая ам.долларыг Бангладеш, Руанда, Гайти, Сьерра Леон. Того улсуудад хувааж өгсөн байна.