Miercoles

Ti dios a ni Mercurio (kitikit ni Artus Quellinus, maika-17 a siglo).

Ti Miercoles ket isu ti maikatlo nga aldaw iti lawas idiay Filipinas ken kadagiti kaadduan nga pagilian iti laud, kas ti ISO 8601. Isu ti maikapat nga aldaw iti calendario nga Judeo-Cristiano, naibaet iti Martes ken Jueves, kadagiti pagilian a Domingo ti umuna nga aldaw iti lawasda.

Ramut iti naganna

Aggapu daytoy a balikas iti kadaanan a pagsasao a Latino: Dies Mercurii wenno "Aldaw iti Mercurio". Gapu ti pagsasao nga Espaniol (Miercoles) ket maysa kadagiti annak a pagsasao iti Latino, kas ti Italiano (Mercoledi), Franses (Mercredi) ken Rumaniano (Miercuri), natawidna iti daytoy a sao. Idi sinakup ti Espania ti Filipinas, inampon dagiti Ilokano ti calendario dagiti Cristiano a Castila.

Dagiti Aldaw ti Lawas

Lunes | Martes | Miercoles | Jueves | Viernes | Sabado | Domingo