Hron

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.

---

De Hron inne buurt van Starý Tekov.

Hron (Pruus: Gran, Hongaars: Garam, Letien: Granus) is 'ne 298 kilomaeter lange zietak vanne Donau en de óp ein nao langste reveer van Slowakije. 't Geit vanaaf ziene brón inne Lege Tatra (ónger Kráľova hoľa) door Cèntraal- en Zuud-Slowakije haer óm oetèndelik inne Donau te kómme bie Štúrovo en Esztergom. Groeate stej en dörper die ane reveer ligke zeen Brezno, Banská Bystrica, Sliač, Zvolen, Žiar nad Hronom, Žarnovica, Nová Baňa, Tlmače, Levice, Želiezovce, en Štúrovo.

't Vleujlandj vanne reveer is zoeaget 11% van Slowakije.

Gesjiedenis

De naam van de reveer is veur 't ieës in 170 vermeld, wen de Romeinse keizer Marcus Aurelius zien Meditaasjes sjreef ane Hron. De ieëste naam dae inne Middelieëwe is vasgelag is Gron (1075). Vanne 17^dje ieëw toet inne jaore dertig vanne vörge ieëw waerdje de reveer veur houttransport gebroek.