1948

1948 година е престапна година, која започнува во четврток на Грегоријанскиот календар.

Настани

јануари

• 1 јануари – Основана е Македонската опера. За прв директор е назначен Тодор Скаловски.
• 4 јануари – Бурма добива независност од Британија.
• 17 јануари - Основано e претпријатие за јавен превоз ЈСП СКОПЈЕ во Скопје.
• 30 јануари – Отворени се Зимските олимписки игри во Сент Мориц, Швајцарија.
• 30 јануари – Во Њу Делхи е извршен атентат врз Махатма Ганди, водач на индиското ослободително движење. Ганди ги пропагираше не насилничките методи за национално ослободување и поради тоа стана симбол на борбата на народите на Индија за независност. Роден е на 2.10.1869 година.

февруари

• 4 февруари – Цејлон станува независен во рамките на Британскиот Комонвелт.
• 25 февруари – Комунистичката партија ја презема власта во Чехословачка.

април

• 7 април – Основана е Светската Здравствена Организација.

мај

• 14 мај - Прогласена е државата Израел.
• 15 мај – Започнува Арапско-израелската војна од 1948 година: Египет, Транјордан, Либан, Сирија, Ирак и Саудиска Арабија го напаѓаат Израел.
• 23-24 мај – Одржан е Вториот конгрес на Народниот фронт на Македонија.

јуни

• 24 јуни – Започнува блокадата на Берлин.
• 28 јуни – Информбирото донесува резолуција со која се осудува комунистичка Југославија.

јули

• 1 јули – Основан е Македонскиот балет. За прв директор е поставен Ѓорѓи Македонски.
• 15 јули – Извршен е обид за атентат врз Палмиро Толјати, генерален секретар на Комунистичката партија на Италија.
• 21 - 28 јули - Во Белград се одржува Петтиот конгрес на КПЈ, на кој се отфрла Резолуцијата на Информбирото.
• 22 јули - Основан е Институтот за национална историја. За прв директор е именуван Митко Зафировски.
• 29 јули – Отворени се Летните олимписки игри во Лондон.

август

• 23 август – Основан е Светскиот Конгрес на Црквите.

ноември

• 2 ноември – На претседателските избори во САД победува Хари Труман.
• 24 ноември – Во Венецуела претседателот Ромуло Батанкур е соборен преку воен удар.

декември

• 10 декември – Генералното собрание на Обединетите Нации ја усвојува Општата декларација за човекови права.
• 19-22 декември – Одржан е Првиот конгрес на Комунистичката партија на Македонија.

Родени

• 4 февруари – Алис Купер, американски пејач
• 31 март – Ал Гор, американски потпретседател
• 1 април – Џими Клиф, јамајкански пејач
• 30 јули – Жан Рено, француски актер
• 3 август – Жан Пјер Рафаран, француски премиер
• 5 септември – Бенита Фереро-Валднер, австриска политичарка
• 6 октомври – Џери Адамс, северно-ирски политичар
• 3 декември – Ози Озборн, британски пејач
• 10 декември – Абу Абас, палестински борец за независност
• 27 декември – Жерард Депардје, француски актер

• Русомир Богдановски, македонски писател

Починале

• 30 јануари – Махатма Ганди, индиски водач на борбата за независност
• 30 јануари – Орвил Рајт, американски пронаоѓач на авионот
• 11 февруари – Сергеј Ејзенштајн, советски режисер
• 10 март – Јан Масарик, чехословачки министер за надворешни работи
• 24 март – Николај Берѓаев, руски филозоф
• 10 септември – Фердинанд I, бугарски цар
• 17 септември – Фолке Бернадоте, шведски дипломат

---

Видете исто:

• календарот за таа година