2006

Ár

2003 2004 2005 – 2006 – 2007 2008 2009

Áratugir

1991–2000 – 2001–2010 – 2011–2020

Aldir

20. öldin – 21. öldin – 22. öldin

Árið 2006 (MMVI) var í gregoríanska tímatalinu almennt ár sem byrjaði á sunnudegi.

Atburðir

Janúar

• 4. janúar: Ariel Sharon, forsætisráðherra Ísraels var lagður inn á sjúkrahús með alvarlegar heilablæðingar. Ehud Olmert varaforsætisráðherra tók við völdum tímabundið.
• 22. janúar: Aníbal António Cavaco Silva var kjörinn forsætisráðherra í Portúgal með 50,6% atkvæða.
• 30. janúar - Snjór féll í Lissabon í fyrsta skipti í 52 ár.
• 30. janúar - Íslenska stuttmyndin Síðasti bærinn var tilnefnd til Óskarsverðlauna.

Febrúar

• 7. febrúar - Egypsk farþegaferja með um 1400 manns innanborðs sökk á Rauðahafi, undan ströndum Sádí-Arabíu.
• 10. febrúar - Vetrarólympíuleikarnir voru settir í Turin á Ítalíu.
• 17. febrúar - Allt að 1800 manns fórust í aurskriðu á eynni Leyte í Filippseyjum.
• 22. febrúar - Milljarðasta lagið var selt á Apple iTunes.

Mars

• 11. mars - Slobodan Milošević, fyrrverandi forseti Júgóslavíu, fannst látinn í fangaklefa sínum hjá stríðsglæpadómstóli Sameinuðu þjóðanna í Haag í Hollandi.
• 26. mars - Skotar bönnuðu reykingar á öllum opinberum stöðum.
• 28. mars - Kadima vann sigur í kosningum í Ísrael, en hlaut þó færri ætkvæði en útgönguspár gerðu ráð fyrir.

Apríl

• 4. apríl - Tom Delay, leiðtogi repúblikana á bandaríska þinginu tilkynnti um afsögn sína.

Maí

• 20. maí - Finnland sigraði Söngvakeppni evrópskra sjónvarpsstöðva í fyrsta sinn með laginu "Hard Rock Hallelujah" í flutningi þungarokkshljómsveitarinnar Lordi.
• 27. maí - Jarðskjálfti af stærðargráðunni 6,3 á Richter varð á eyjunni Jövu í Indónesíu. Yfir 6000 manns létust, 36 þúsund slösuðust og um 1,5 milljón manns missti heimili sín.

Júní

• 3. júní - Svartfjallaland lýsti yfir sjálfstæði eftir þjóðaratkvæðagreiðslu sem fór fram 21. maí. Tveimur dögum síðar var Serbíu og Svartfjallalandi skipt niður í tvö aðskilin lönd.
• 7. júní - Abu Musab al-Zarqawi, einn helsti leiðtogi Al-Qaeda í Írak, lét lífið í loftárás Bandaríkjamanna í Baqouba í Írak.
• 29. júní - Konur fengu í fyrsta sinn atkvæðisrétt í kosningum í Kúveit.

Júlí

• 9. júlí - Ítalía vann heimsmeistarakeppnina í knattspyrnu og þar með sinn fjórða heimsmeistaratitil.
• 11. júlí - Hryðjuverk voru framin í neðanjarðarlestum í Mumbai á Indlandi. 209 manns létust og yfir 700 slösuðust í sjö sprengingum á háannatíma dags.
• 12. júlí - Ísraelskar hersveitir réðust inn í Líbanon í kjölfar þess að Hezbollah tók tvo ísraelska hermenn til fanga.

Ágúst

• 22. ágúst - Farþegaflugvél Pulkovo Airlines hrapaði í Úkraínu. 171 lét lífið, þar af 45 börn.
• 23. ágúst - Austurríska stúlkan Natascha Kampusch slapp úr haldi mannræningja eftir átta ára innilokun í kjallara hans. Mannræninginn, Wolfgang Priklopil, framdi sjálfsmorð.
• 24. ágúst - Skilgreiningu á plánetu var breytt þannig að Plútó telst ekki lengur vera pláneta heldur dvergpláneta.

September

• 10. september - Michael Schumacher, sjöfaldur heimsmeistari í Formúlu 1, tilkynnti að hann mundi hætta keppni í Formúlu 1 í lok ársins.

Október

• 9. október - Norður-Kórea tilkynnti að landið hefði gert sína fyrstu kjarnorkutilraun.
• 10. október - Google festi kaup á YouTube.
• 13. október - Suður-Kóreumaðurinn Ban Ki-moon var kosinn aðalritari Sameinuðu þjóðanna.
• 18. október - Microsoft gaf út Windows Internet Explorer 7.

Nóvember

• 5. nóvember - Saddam Hussein, fyrrverandi forseti Íraks, og tveir af helstu samstarfsmönnum hans voru dæmdir til dauða fyrir glæpi gegn mannkyni.

Desember

• 1. desember - Að minnsta kosti 388 manns létu lífið þegar fellibylurinn Durian gekk yfir Filippseyjar.
• 30. desember - Saddam Hussein, fyrrverandi forseti Íraks var tekinn af lífi með hengingu í Bagdad.

Dáin

• 24. janúar - Chris Penn, bandarískur leikari.
• 27. janúar - Johannes Rau, þýskur stjórnmálamaður og 8. forseti Þýskalands (f. 1931).
• 29. janúar - Paik Nam-june, Suður-Kóreskur listamaður, oft talinn upphafsmaður svokallaðrar myndbandslistar (f. 1932).
• 30. janúar - Coretta Scott King, ekkja blökkumannaleiðtogans Martins Luthers Kings.
• 30. janúar - Wendy Wasserstein, bandarískt leikskáld.
• 11. mars - Slobodan Milošević, fyrrum forseti Júgóslavíu.
• 5. apríl - Gene Pitney, bandarískur dægurlagasöngvari.
• 14. júní - Jean Roba, belgískur teiknimyndasagnahöfundur.
• 4. september - Steve Irwin, ástralskur dýraverndarsinni og sjónvarpsþáttastjórnandi (f. 1962)
• 10. desember - Augusto Pinochet, einræðisherra í Chile (f. 1915)
• 25. desember - James Brown, bandariskur songvari (f. 1933)
• 26. desember - Gerald Ford, 38. forseti Bandarikjunum (f. 1913)
• 30. desember - Saddam Hussein, fyrrverandi forseti Íraks er tekinn af lífi í Bagdad.(f. 1937)