Botswana

Republic of Botswana Lefatshe la Botswana Flago di Botswana Blazono di Botswana Chefurbo: Gaborone ·Lojanti: 191,776 (2006) Precipua urbo: Gaborone Oficala linguo: Setswana, angliana Guvernerio: Republiko ·Prezidisto: Ian Khama Surfaco: (47ma granda) ·Totala: 581,730 km² ·% aquo: 2,6 Lojanti: (146ma granda) ·Totala: 1,990,876 (2009) ·Lojanto-denseso: 3,4 loj./km² Nacionala himno: Fatshe leno la rona Pekunio: pula Reto-kodo: .bw Precipua religio: Kristanismo 59,9%, tradicionala religii 38,8%

Botswana esas lando qua jacas en suda Afrika. Lua vicina landi esas

• Namibia en nordo ed en westo,
• Sud-Afrika en sudo,
• Zimbabwe en esto.

Bazala fakti pri Botswana.

Historio

Dum 19ma yarcento komencis militado inter Tswana habitanti e Ndebele populo, qua inkursis en nord-esto di la teritorio. Pos apeli di la rejulo Khama 3ma di Batswana populo, Unionita Rejio pozis la regiono sub lua protektorato. Unesma nomo di teritorio sub Britaniana dominio esas Bechuanalando. Lando nomizita segun la Tswana-grupo de Bantu-tribui.

Kande la Uniono di Sud-Afrika esis formita ye 1910, Bechuanalando, Basutolando (nune Lesotho) e Swazilando ne esis inkluzita en la teritorio. Kande Nacionala Partiso ganis povo en Sud-Afrika ye 1948 e adoptis segregaso, l'ideo di unionar la teritorii desaparis.

Ye junio 1964 Unionita Rejio aceptis l'ideo di propra demokratiala guverno en Botswana. Lando divenis nedependanta de Unionita Rejio ye 30 di septembro 1966. Seretse Khama esis lua unesma prezidisto, rielektita du foyi. Ye 1984 okuris elekto e la viceprezidisto Quett Joni Masire vinkis. Il anke esis rielektita du foyi, ye 1989 ed ye 1994.

Politiko

Botswana esas prezidantala republiko. La prezidisto esas chefo di stato ed anke chefo di guvernerio, ed esas elektita da parlamento (National Assembly) por 5-yara periodo. Nuna prezidisto esas Ian Khama.

La Parlamento havas 1 chambro kun 57 membri. Lando esas konsiderita la min korupta de Afrika.

Geografio

Mapo di Botswana.

Botswana esas la 47ma granda lando dil mondo. Kun 581.730 km² lua totala surfaco esas simila a Madagaskar. Granda parto di lua teritorio esas plano e kovrata da Kalahari dezerto (preske 70% di lua surfaco). Min kam 5% di totala surfaco recevas suficanta pluvo por esar kultivata. Limpopo esas la maxim importanta fluvio di lando.

Ekonomio

Videz anke: Ekonomio di Botswana.

Botswana esas la 3ma granda mondala produktanto di diamanto. La KLP per persono kreskas plu rapide dum recenta yari: segun la Internaciona Monetarala Fonduro lando kresis 9% omna yaro de 1966 til 1999.

Demografio

La precipua rasala grupi esas Tswana, Kalanga e Bushmani. Blanke reprezentas cirkum 3% di totala populo.

La maxim granda urbo esas Gaborone. Altra importanta urbi esas Francistown e Malepolole.