India
 |
Quel articul chì l'è scrivüü in Lumbard ucidental urtugrafia ünificada. |
L'India a l'è un paes del süd de l'Asia.
La capital a l'è New Delhi.
A l'è 'l setim paes del mund per süperfiss, cun 3.166.414 km² e'l segunt per pupulaziun (püssee d'un miliard e cent miliun d'abitant, che'l 70% a l'è sota i 35 agn).
L'alfabetizaziun a l'è al 62%.
Cuntegnüü |
[Mudifega] Geugrafia
L'India a l'è tacada al Pakistan a ovest, a la Cina, al Nepal e al Bhutan a nord-est, al Bangladesh e al Myanmar a est.
In de l'Ucean Indian, l'India a l'è arent al Sri Lanka, ai Maldive e a l'Indunesia.
La costa de l'India a l'è lunga püssee de setmila chilometer e la da in sü l'Ucean Indian a süd, el Mar Arabich a ovest e 'l Gulf del Bengala a est.
[Mudifega] Storia
La cunquista britaniga de l'India la scumincia in del 1715.
L'ültim vice-rè ingles de l'India a l'è staa Lord Mountbatten.
In del lüj del 1947, a Lundra a l'è staa vutà el palpee d'indipendenza; la cumissiun Radcliffe l'aveva stüdiaa una fruntera per la creaziun de dü stat:: l'Üniun Indiana, per la püssee part induista, e 'l Pakistan, per la püssee part müssülman.
L'indipendenza a l'è stada pruclamada el 15 d'agust del 1947. La custitüziun de l'India a l'è del 1950.
L'India a l'è stada quater völt in guera cuntra el Pakistan: in del 1948, 1965, 1971, 1999.
[Mudifega] Urganizaziun pulitiga
L'India (nom ufizial: भारत गणराज्य, Repübliga de l'India, in hindi) a l'è una repübliga federala.
El President a l'è el Pratibha Patil (del 2007).
El Prim Minister a l'è el Manmohan Singh (del 2004).
[Mudifega] Aministraziun
La repübliga indiana a l'è fada de 28 Stat Federaj e de 7 Teritori de l'Üniun; tücc i stat federaj, el teritori de la Capital de Delhi e'l teritori de Pondicherry gh'hann un guern elegiüü; i teritori che resten i gh'hann un'aministraziun del guern naziunal central e fan riferiment per via direta al President de la Repübliga. i stat e i teritori a hinn pöö faa in distret (pressapoch 600). I distret gh'hann dent i tehsil (o, a segunda de la lengua, tahsil, taluka, taluk, mandal).
| Nümer | Stat | Codes | Capital |
|---|---|---|---|
| 1 | Andhra Pradesh | AP | Hyderabad |
| 2 | Arunachal Pradesh | AR | Itanagar |
| 3 | Assam | AS | Dispur |
| 4 | Bihar | BR | Patna |
| 5 | Chhattisgarh | CG | Raipur |
| 6 | Goa | GA | Panaji |
| 7 | Gujarat | GJ | Gandhinagar |
| 8 | Haryana | HR | Chandigarh |
| 9 | Himachal Pradesh | HP | Shimla |
| 10 | Jammu e Kashmir | JK | Jammu (invern) Srinagar (està) |
| 11 | Jharkhand | JH | Ranchi |
| 12 | Karnataka | KA | Bangalore |
| 13 | Kerala | KL | Thiruvananthapuram |
| 14 | Madhya Pradesh | MP | Bhopal |
| 15 | Maharashtra | MH | Mumbai |
| 16 | Manipur | MN | Imphal |
| 17 | Meghalaya | ML | Shillong |
| 18 | Mizoram | MZ | Aizawl |
| 19 | Nagaland | NL | Kohima |
| 20 | Orissa | OR | Bhubaneswar |
| 21 | Punjab | PB | Chandigarh |
| 22 | Rajasthan | RJ | Jaipur |
| 23 | Sikkim | SK | Gangtok |
| 24 | Tamil Nadu | TN | Chennai |
| 25 | Tripura | TR | Agartala |
| 26 | Uttar Pradesh | UP | Lucknow |
| 27 | Uttarakhand | UL | Dehradun |
| 28 | West Bengal | WB | Kolkata |
| Nümer | Teritori de l'Üniun | Codes | Capital |
|---|---|---|---|
| A | Isul Andamann e Nicobar | AN | Port Blair |
| B | Chandigarh | CH | Chandigarh |
| C | Dadra e Nagar Haveli | DN | Silvassa |
| D | Daman e Diu | DD | Daman |
| E | Lakshadweep | LD | Kavaratti |
| F | Teritori de la Capital Naziunala de Delhi | DL | New Delhi |
| G | Pondicherry | PY | Pondicherry |
