2010

2007 - 2008 - 2009 - 2010 - 2011 - 2012 - 2013

2010 (MMX) is e jaor wat op 'n vriedeg begint. Oondaanks tot d'n einentwintegsten iew eigelek pas op 1 jannewarie 2001 begint (zuuch ouch millennium) weurt 't gezeen es 't ierste jaor vaan 't twiede decennium in de einentwintegsten iew (wat dus eigelek pas op 1 jannewarie 2011 begint).

Umdat 't dit jaor 200 jaor geleje ies dat Chopin gebore woort (1 mièrt 1810) ies 2010 oetgerope tot Chopinjaor.

Gebäörtenisse

jannewarie

• De Limburgstaolege rapgróp Pikkatrillaz geit oetein, nao bekans 11 jaor.
• 1 - In Nederland, zeker in Nederlands Limburg, vènje herindeilinge plaatsj. Árse en Velde weurt aan Venlo toegevoog, Zaerem aan Haors aan de Maas, Mieëldere-Wânsem weurt opgesjplits tösje Haors aan de Maas en Venroj en Bree, Helje, Kessel en Mael fusere tot Pieël en Maas. Wiejer weurt heringedeild in Groninge (Oldambt) en Zuud-Hollandj (Zuidplas).
• 10 - De Nederlander Sven Kramer wirt veur de veerde keër op riej Europees kampioen sjaatse allround. Dit is nog neet eërder emes gelök.
• 12 - Haïti weurt getroffe door 'nen eerdsjók vaan 7 op de momintmagnitudesjaol, naobij de hoofstad Port-au-Prince. D'r zien tösse 217.000 en 230.000 inwoeners um 't leve gekome.
• 14 - Börgemeister Gerd Leers van Mesjtreech nump nao ein raodsvergadering van vief oer zien óntsjlaag es Börgemeister van Mesjtreech.
• 14 - 't Kabinet Balkenende veurkump eine crisis nao aanleiding van 't Irak-rapport van de Commissie-Davids.
• 25 - Ali Hassan al-Majid oftewaal "Ali Chemicali" wirt ter doad gebrach door ophanging.

fibberwarie

• 5 - 't LVK wirt gewónne door W-Dreej oet Venlo mèt 't nummer Vandaag!.
• 7 - De veurmalige prof-fitserenner Franco Ballerini veróngelök op 45-jaorige laeftied biej eine autorally wo hae es co-piloot aan mitdeeg. Ballerini waas winnaer van Paries-Roubaix in 1995 en 1998.
• 13 - Sjaatser Sven Kramer wint goud op de 5000 maeter op de Olympische Wèntjersjpele in Vancouver.
• 15 - In 't Belzje Buizinge-Halle ónger Brussel vundj eine treinramp plaatsj, wobiej 18 doaje en meë es hónderd gewónje valle.
• 20 - 't Kabinèt Balkenende IV vilt euver de kwestie van waal of neet verlenge van de Nederlandse missie in Afghanistan. De PvdA-ministers numme hun óntsjlaag. 't Kabinèt wirt demissionair en zal nuuj verkezinge gaon veurbereie.
• 21 - Eine pesjtoar in 't Brabantse Reusel weigert de hostie te gaeve aan de plaatsjelike prins-carnaval, ómdat dae aopelik homofilie beliejt. Hiejnao óntsjteit d'r ein flinke rel in de Nederlandjse homo-bewaeging.
• 27 - Chili weurt getroffe door 'n zier zwoer eerdbeving van 8,8 op de momintmagnitudesjaol. De sjaoj is enorm, 't aontal doeje vèlt mèt 279 relatief gezeen mèt.

miert

• 3 - Biej de Gemeinteraodsverkezinge kriege veural de PVDA, CDA en SP minder sjtumme es verwach. Groate winnaers zint de lokaal partieje, D66 en GreunLènks en in minder maote de VVD.
• 4 - SP leidster Agnes Kant trèk zich truk oet de poletiek. Aanleijing is de nederlaog van de SP in de verkezinge van 3 miert en de sjlechte veuroetzichte veur de partiej biej de aansjtaonde Kamerverkezinge.
• 11 - De Limburgse CDA-minister Camiel Eurlings maak bekènd dat hae zich veurluipig truktrèk oet de politiek.
• 11 - De veurmalige partiejleier van D66 Hans van Mierlo sjtörf op 78-jaorige laeftied.
• 12 - PvdA-partiejleier Wouter Bos maak bekènd dat hae zich oet de poletiek truktrèk. Dit hilt in dat hae neet langer de liestrèkker zal zeen biej de kómmende verkezinge op 9 juni. Tegeliekertied wirt bekènd gemaak dat de Amsterdamse burgemeister Job Cohen es ziene opvolger zal waere aangesjtèld.
• 18 - De Zuud-Hollese gemeinte Rozenburg weurt as deilgemeinte aan Rotterdam toegevoog.
• 29 - In Moskou vènje tweë terroristische zelfmaordaansjlaeg op de metro plaatsj, die 't laeve koste van ènnige tieëntalle luuj. Later bliek dat dees aansjlaeg zint gepleeg door tweë jóng 'zjwarte weduwe' oet de Russische deilrepebliek Tjsetsjenië.

april

• 10 - 'n Pools regeringsvleegmesjien sjtort naer bie de Russische plaats Smolensk. Alle 96 inzittende sjterve t'r plaotse; oonder hun is de Poolse presidènt Lech Kaczynski.
• 14 - Op Iesland bars de vulkaon Eyjafjallajökull veur de ierste kier sins 1823 opnuuj oet. Deur de veule asdeilkes in de loch motte bekans alle lochhaves in West-Europa 'n paar daog geslote weure.
• 20 - In de Golf vaan Mexico oontplof e booreiland. 't Leek in de bojem zörg de weke dao-op veur ein vaan de groetste olierampe oet de historie.
• 22 - De Ope VLD sjtap oet de Belzje regering naodat Yves Leterme en Jean-Luc Dehaene gein oplossing höbbe kènne vènje veur de kwestie óm 't keesdistrik Brussel-Halle-Vilvoorde. De regering-Leterme II is hiemit gevalle.

mei

• 6 - Bij de Britse parlemintsverkezinge haolt gein vaan de partije 'n mierderheid, veur 't iers sinds 1974. De derde partij, de Liberaol Democraote, haolt evels neet zoeväöl zetele es verwach.
• 12 - Op de lochhave van de Libische hoofsjtad Tripoli sjtort 'n vleegmesjien neer. Dao valle mier as 100 doeje, wo-ónger 70 Nederlanders en zeker twie Belzje; e Nederlands kèndj van neuge oet Tilburg haet de ramp as einige euverlaef.
• 19 - De Roedhummes, de rebelle die vechte veur de trökkier van Thaksin Shinawatra as premier van Thailandj, waere versjlage. Hienao begèntj de ónrös in de hoofsjtad Bangkok aevel pas good.
• 25 - De parlemintsverkezinge in Suriname weure gewónne door ex-dictator Desi Bouterse.
• 31 - De Israëlische marien euvervèlt e konvooi van zes sjeper mit hölpgeujer op waeg nao de Gazasjtroek. Daobie valle zeker 10 doeje.

juni

• 9 - Tweëde Kamerverkezinge in Nederlandj.
• 11 juni - 11 juli - 19e Waereldkampioensjap voetbal in Zuid-Afrika.
• 13 - Federaal verkezinge op 't Belsj.

Gesjtorve

• 11 jannewarie - Miep Gies (100), Nederlandse verzètssjtriedster, vèndjster van 't daagbook van Anne Frank.
• 25 jannewarie - Ali Hassan al-Majid, Irakeese awd-minister van defensie, naef van Saddam Hoessein.
• 27 jannewarie - J.D. Salinger (91), Amerikaanse sjriever
• 20 fibberwarie - Alexander Haig (85), Amerikaanse militair en politicus
• 11 miert - Hans van Mierlo (78), Nederlandse politicus
• 28 miert - Vasili Smyslov (89), (Sovjet-)Russische sjaakgroatmeister
• 30 miert - Hub Vinken (83), Nederlandse fitserenner
• 1 april - John Forsythe (92), Amerikaanse acteur (o.a. Dynasty en Charlie's Angels)
• 10 april - Lech Kaczynski (60), Poolse president
• 26 april - Willy Caron (75), Limburgse tenorzenger oet Venlo.
• 10 mei - Hans Dijkstal (67), Nederlandse politicus
• 17 mei - Bobbejaan Schoepen (85), Belzje zenger en óngernummer
• 21 mei - Driek van Wissen (66), Nederlandsen dichter
• 29 mei - Dennis Hopper (74), Amerikaansen actäör
• 17 juni - Lucy Loes (Lucienne Vanbesien; 82), Belzje volkszengeres
• 22 augustus - Michel Montignac (66), Fransen diëtis
• 25 augustus - Conny Stuart (96), Nederlandse actries en zengeres
• 27 augustus - Anton Geesink (76), Nederlandse judoka
• 30 augustus - Appie Baantjer (86), Nederlandsen oteur
• 31 augustus of 1 september - Jef Ulburghs (88), Belsj-Limburgse preester-politicus
• 1 september - Jean Nelissen (74), Nederlands-Limburgse sjportversjlaaggaever
• 5 september - Guillaume Cornelis Beverloo (Corneille; 88), Nederlandse kunssjilder
• 29 september - Tony Curtis (85), Amerikaansen acteur
• 6 oktober - Antonie Kamerling (44), Nederlandsen acteur
• 10 oktober - Solomon Burke (70), Amerikaanse soulzenger
• 10 oktober - Joan Sutherland (83), Australische operazengeres
• 27 oktober - Néstor Kirchner (60), Argentiense sjtaotsman
• 30 oktober - Harry Mulisch (83), Nederlandse sjriever
• 12 november - Henryk Górecki (76), Poolse componis
• 28 november - Leslie Nielsen (84), Canadesen acteur
• 1 december - Adriaan Blaauw (96), Nederlandsen astronoom
• 17 december - Captain Beefheart (Don van Vliet; 69), Amerikaanse rockmusicus
• 24 december - Frans de Munck (88), Nederlandse keeper
• 30 december - Bobby Farrell (61), Arubaanse zenger
• 31 december - Raymond Impanis (85), Belzje fietserenner

Media

Films

Hei 'n lies vaan films die zien oetgebrach in 2010:

• Alice in Wonderland
• Valentine's Day

Meziek

Hei 'n lies vaan albums die zien oetgebrach in 2010 (Albums op alfabet):

• Kesha Sebert - Animal