2010

2010 beste egutegi batzuetan

Gregoriotar egutegia	2010 MMX
Ab urbe condita	2763
Armeniar egutegia	1459 ԹՎ ՌՆԾԹ
Bahá'í egutegia	166 – 167
Bengaliar egutegia	1417
Berber egutegia	2960
Egutegi budista	2554
Myanmarko egutegia	1372
Bizantziar egutegia	7518 – 7519
Koptoen egutegia	1726 – 1727
Etiopiar egutegia	2002 – 2003
Hebrear egutegia	5770 – 5771
Egutegi hinduak
- Bikram Samwat	2066 – 2067
- Shaka Samvat	1932 – 1933
- Kali Yuga	5111 – 5112
Holozeniar egutegia	12010
Iraniar egutegia	1388 – 1389
Islamiar egutegia	1431 – 1432
Japoniar egutegia	Heisei 22 (平成22年)
Korear egutegia	4343
Thailandiar eguzki egutegia	2553
Unix denbora	1262304000 – 1293839999

Daturen bat gaineratzen baduzu, egunaren lotura segi dezakezu han ere sartzeko. Eskerrik asko!

---

2010a (MMX) ostiralez hasitako urte arrunta izan zen.

Hurrengo ospakizunen urtea da 2010a:

• Tigrearen Urtea, txinatar horoskopoari dagokionez.
• Done Jakueren urtea.
• Aniztasun Biologikoaren Nazioarteko Urtea, NBEren arabera.
• Kulturen Arteko Hurbiltzearen Urtea, NBEren arabera.

---

Gertaerak

Urtarrila

• Urtarrilaren 1a - Espainiak Europar Batasuneko txandakako presidentetza hartu zuen.
• Urtarrilaren 4a - Burj Dubai ordura arte munduko eraikin altuena (818 m.) inauguratu zuten.
• Urtarrilaren 8a -
  • Polizia bat larri zauritu zuten Ipar Irlandan auto azpian zuen bonba leherraraziz.
  • Togoko futbol selekzioaren jokalariak zihoazen autobusa erasotu zuten Angolan eta hiru pertsona hil zituzten.
• Urtarrilaren 9a - Jose Ignacio Munillak Donostiako gotzain kargua hartu zuen.
• Urtarrilaren 12a - Lurrikara gertatu zen Haitin.
• Urtarrilaren 17a - ETAk ezker abertzalearen bidearekin bat egiten zuela adierazi zuen komunikatu batean.
• Urtarrilaren 18a - To shoot an elephant dokumentala munduko hainbat lekutan ikusi zen. Lekuen %23a Euskal Herrian zegoen.
• Urtarrilaren 24a - Haitiko lurrikarak 111.500 hildako eta 194.000 zauritu utzi zituen gutxienez.
• Urtarrilaren 25a - Ethiopian Airlinesen 409 hegaldiak istripua izan zuen, Beiruten aireratu eta gutxira hegazkina Mediterranear Itsasora jausi zenean. 90 bidaiariak hil ziren.
• Urtarrilaren 26a - Ertzaintzak 7 ustezko etakide atxilotu zituen Gipuzkoa, Bizkaia eta Huescan.

Otsaila

• Otsailaren 2a - Gutxienez 41 lagun hil zituzten eta 106 zauritu Bagdad iparraldean egin zuten atentatu suizidan.
• Otsailaren 7a - Laura Chinchillak Costa Ricako presidentetza-hauteskundeak irabazi zituen.
• Otsailaren 12a - Vancouverko (Kanada) 2010eko Neguko Olinpiar Jokoak hasi ziren.
• Otsailaren 15a - 20 hildako gutxienez Belgikan bi trenek aurrez aurre talka egitean.
• Otsailaren 16a - 7 atxilotu Bizkaia, Gipuzkoa eta Portboun (Girona) ETArekin zerikusia zutelakoan.
• Otsailaren 19a - 41 pertsona hil ziren Marokoko Meknes herrian meskita bat behera erortzean.
• Otsailaren 20a - Portugalgo Madeira uhartean egondako eurite indartsuetan 42 pertsona hil ziren.
• Otsailaren 27a -
  • 8,8 graduko lurrikara bat izan zen Txileko kostaldetik gertu. Hildakoak 700 baino gehiago izan ziren.
  • Ezker abertzaleak mugimendu berria aurkeztu zuen Donostian.
  • Alerta gorria Gipuzkoa, Araba eta Bizkaian 150 km/h-ko ziklogenesiarengatik.
• Otsailaren 28a
  • Vancouverko (Kanada) 2010eko Neguko Olinpiar Jokoak amaitu ziren.
  • ETAko hiru kide atxilotu zituzten Normandian.
  • 228 kilometro orduko haize bufadek Euskal Herrian eta alerta gorria piztu zuten. 57 pertsona hil ziren Europa osoan ziklogenesi lehergarrian.

Martxoa

• Martxoaren 8a
  • 51 pertsona hil ziren Turkia ekialdeko mendialdeko herri batean egondako 6,0 graduko lurrikara batean.
  • 500 pertsona baino gehiago hil ziren Nigeria erdialdean, kristau eta musulmanen artean egondako istilu etnikoetan.
• Martxoaren 11a - Sebastián Piñerak Michelle Bachelet ordezkatzen zuen Txileko presidente bezala.
• Martxoaren 12a - Tolosa Okzitanian agertutako hilotza Jon Anza etakidearena zela baieztatu zuten.
• Martxoaren 14a - 2010eko 1 Formulako denboraldia hasi zen.
• Martxoaren 16a - ETAk jendarme bat hil zuen ustekabeko tiroketa batean Paristik gertu.
• Martxoaren 17a - Jose Angel Arregi San Viator ordeneko kidea atxilotu zuten Txilen umeen pornografiaren aurkako operazioan. Arregik adin txikikoen aurkako erasoak burutu omen zituen Basauri eta Gasteizen.
• Martxoaren 18a - EAJko hainbat kide atxilotu zituzten Araban ustelkeriaren aurkako operazioan.
• Martxoaren 22a - Ezkerrak Sarkozy garaitu zuen Frantziako eskualde hauteskundeetan.
• Martxoaren 23a - Gizon batek zortzi haur hil zituen Txinako Nanping hiriko eskola batean.
• Martxoaren 29a - 40 pertsona hil ziren Moskuko metroan egindako atentatuan.

Apirila

• Apirilaren 3a - Uholde eta lubiziek 29 pertsona hil zituzten Peruko Huánuco gune menditsuan.
• Apirilaren 6a -
  • 180 pertsona hil ziren Rio de Janeiro eta inguruko herrietan, euriteek hiriaren inguruko mendietan eragindako lubiziengatik.
  • Evo Moralesen alderdiak bost eskualdetan irabazi zituen hauteskundeak, Bolivian, baina hiri garrantzitsu gehienetan oposizioak irabazi zuen.
• Apirilaren 7a - Gutxienez 68 pertsona hil ziren Kirgizistanen gobernuaren aurkako istiluetan.
• Apirilaren 8a - Eibarko lau gazte hil ziren Elgoibarren izandako auto-istripu larrian.
• Apirilaren 10a -
  • Shanghaiko metroa munduko metrorik luzeena bihurtu zen, 147 urtez luzeena izan zen Londresko metroa gainditu ondoren.
  • Lech Kaczyński Poloniako presidentea eta beste 131 pertsona zihoazten hegazkinak istripua izan zuen. Ez zen inor bizirik irten.
• Apirilaren 15a - Islandiako Eyjafjallajökull sumendiak jaurtitako hautsa Europako iparraldean zehar hedatu zen eta segurtasunagatik ia Europa osoko (Portugalen eta ekialdea izan ezik) aireportuetan hegaldi guztiak bertan-behera geratu ziren.
• Apirilaren 14a - Guardia Zibilak hiru abokatu eta beste zazpi lagun atxilotu zituen, ETArekin harremana ustez izateagatik.
• 7,1 graduko lurrikara batek 1.200 pertsona hil zituen, Txinako Qinghai probintzian.
• Apirilaren 12a - Euskaldunon Egunkaria absolbitua izan zen. Joan Mari Torrealdai, Iñaki Uria, Txema Auzmendi, Martxelo Otamendi eta Xabier Oleaga Egunkariaren itxiera kasuko auzipetuak zigorrik gabe utzi zituen Espainiako Auzitegi Nazionalak.
• Apirilaren 17a -
  • Javier Agirresarobek eta Mikel Urmenetak 2009ko Euskal Herritar Unibertsalak saria eskuratu zuten.
  • Islandiako sumendiak botatako errautsa zela eta 20.000 hegalditik gora bertan-behera geratu ziren. Errautsa Europa osora zabaldu zen, Euskal Herria barne. Hegazkintzaren historiako kaosik handiena.
• Apirilaren 20a - Mexikoko golkoaren marea beltza hasi zen hedatzen petrolio plataforma baten leherketaren ondorioz, mota honetako inoizko hondamendi ekologikorik handiena izan dena.

Maiatza

• Maiatzaren 1a - 2010eko Shanghaiko nazioarteko erakusketa hasi zen.
• Maiatzaren 8a - Eyjafjallajökull sumendiaren erupzioaren indartzeak errauts hodei berria ekarri zuen Euskal Herrira, eta ondorioz Iruñeko, Biarrizko, Donostiako, Bilboko eta Gasteizko aireportuak itxi zituzten.
• Maiatzaren 7a - Richter eskalan 3,5 graduko lurrikara izan zen Iruñeatik 20 kilometrora, Itoitzeko urtegitik gertu.
• Maiatzaren 12a - José Luis Rodríguez Zapaterok, Espainiako presidenteak, krisia zela-etan estatuaren defizita murrizteko neurriak aurkeztu zituen. Neurrien artean, pentsioak izoztu, funtzionarioen soldatak %5 jaitsi eta errenta altuen zerga berria jarri.
• Maiatzaren 14a - Espainiako justizia aginteak Baltasar Garzón epailea aldi baterako kargutik kendu zuen, frankismoko hilketak ikertzeagatik.
• Maiatzaren 19a - Gutxienez 15 lagun hil ziren Thailandiako Bangkok hiriburuko istilu larrietan; gobernuak etxeratze-agindua ezarri zuen.
• Maiatzaren 20a - Lau ETAko kide atxilotu zituzten Baiona eta Urruñan, horien artean orduko buruzagi militarra.
• Maiatzaren 21a - 15 pertsona baino gehiago hil ziren Polonia, Hungaria, Txekiar Errepublikan eta Eslovakian egondako uholdeetan.
• Maiatzaren 22a -
  • Air India Express hegazkin konpainiaren Dubai eta Mangalore arteko hegaldiak istripua izan zuen Mangaloren lur hartzean, gutxienez 158 pertsona hil dira.
  • Espainiako Bankuak Kordobako CajaSur aurrezki kutxan eskuartzea erabaki zuen, aurrezki kutxaren porrot egoerak eraginda.
• Maiatzaren 25a - Bi pertsona hil ziren Sestaoko Txabarri auzoko etxebizitza batean egondako sutean.
• Maiatzaren 27a - Zapaterok aurkeztutako gastuen murrizketa onartu zen Espainiako Kongresuan, PSOEren aldeko botua eta CiU, Coalición Canaria eta UPNren abstentzioei esker. Gainontzeko alderdiek ezetza eman zuten, tartean EAJk eta Nafarroa Baik.
• Maiatzaren 28a - Aitzpea Goenaga izendatu zuten Etxepare Institutuko zuzendari.
• Maiatzaren 29a - 19 urteko Lena Meyer-Landrut alemaniar abeslariak 2010eko Eurovision Abesti Txapelketa irabazi zuen.
• Maiatzaren 31a - Gazara laguntza humanitarioa zeramatzaten zortzi ontziri eraso egin zien Israelek. Bederatzi pertsona hil ziren.

Ekaina

• Ekainaren 2a - Gizon batek 12 pertsona hil zituen tiroz Erresuma Batuko Cumbriako konderrian.
• Ekainaren 4a - 100 pertsona baino gehiago hil ziren Dhaka (Bangladesh) hiriaren erdigunean hainbat eraikinek su hartzean.
• Ekainaren 11 -
  • Hegoafrikako 2010eko Munduko Futbol Txapelketa hasi zen.
  • 37 pertsona hil ziren Kirgizistan hegoaldean egondako istilu etnikoetan.
• Ekainaren 12a - Bat-bateko uholde batek 16 pertsona hil zituen Ameriketako Estatu Batuetako Arkansas estatuko kanpaleku batean.
• Ekainaren 14a - Kirgizistan hegoaldeko istilu etnikoetan hildakoak ia 200 dira dagoeneko. Milaka pertsonek Uzbekistanera ihes egin dute, muga zeharkatuz.
• Ekainaren 15a - Ikerketa ofizialak zioen 1972ko Igande Odoltsuan armadak 27 pertsona justifikatu gabe hil zituela.
• Ekainaren 16a - Hogeitabi pertsona hil ziren Frantzia hegoaldean egondako uholdeetan. Euskal Herrian, Butroe, Kadagua eta Nerbioi hazi eta hainbat gune bete zituzten urez. Bilbon 138 litro erori ziren egun berean.
• Ekainaren 20a - Eusko Alkartasuna eta Ezker Abertzaleak Lortu Arte izeneko akordioa sinatu dute Bilbon.
• Ekainaren 23a - * Espainiako Senatuak estatuko leku publikoetan burka debekatzea agindu zion gobernuari.
• Ekainaren 24a -
  • Pertsona bat hil zen Greziako barne ministerioan jarritako lehergailu baten eraginez.
  • 13 pertsona hil ziren Castelldefelsen (Katalunia) tren batek harrapatuta.

Uztaila

• Uztailaren 1a - 30 pertsona baino gehiago hil ziren Pakistango Lahore hirian ustez Al Kaidak egindako atentatuan.
• Uztailaren 3a - Gutxienez 220 hildako eta 200 zauritu egon ziren Kongoko Errepublika Demokratikoan kamoi batek eztanda egitean.
• Uztailaren 5a - Komorowski liberalak Poloniako presidentetza hauteskundeak irabazi zituen.
• Uztailaren 8a - Alerta gorria Europa hegoaldean beroarengatik; bi hildako egon ziren bi egunetan beroa zela-eta.
• Uztailaren 10a -
  • 100 pertsona baino gehiago hil ziren Pakistan iparraldean egondako bi atentatuetan.
  • Milaka eta milaka lagunek Katalunia nazio aldarrikatu zuten Bartzelonan.
• Uztailaren 11 - Kampalan Munduko Kopako finala ikusten ari ziren bi jatetxeetan atentatu batek 64 hildako utzi zituen.

Iraila

• Irailaren 5a - Euskadi Ta Askatasunak adierazi zuen hilabete batzuk lehenagotik etenik zituela eraso ekintza armatuak.
• Irailaren 14a - Guardia Zibilak Ekineko zuzendaritzako ustezko 9 kide atxilotu eta inkomunikatu ditu.
• Irailaren 28a - Espainiako Poliziak zazpi lagun atxilotu eta inkomunikatu ditu "Askapena elkarteko kide izateagatik".
• Irailaren 29a
  • Guardia Zibilak ETAko ustezko hiru kide atxilotu ditu Villabonan, bai eta inkomunikatu ere.
  • Greba orokorra Espainian lan erreforma berriaren aurka egiteko.

Urria

• Urriaren 8a - Espetxean dagoen Liu Xiaobok giza eskubideen aldeko ekintzaileak Bakearen Nobel Saria jaso zuen. Berria
• Urriaren 10a - Herbehereetako Erresumaren parte diren Holandarren Antillak desagertu eta bere ordez hainbat udalerri, Curazao eta Sint Maarten herrialdeak sortu ziren.
• Urriaren 12a - Kirol-hegazkin frantses batek Baztanen istripua izan zuen eta bere 3 bidaiariak hil ziren.
• Urriaren 31 - 2010eko Shanghaiko nazioarteko erakusketa amaituko da.

Abendua

• Abenduaren 16a - Espainiako Poliziak 8 gazte atxilotu eta inkomunikatu zituen Segirekin harremana izateagatik.
• Abenduaren 19a - Milaka pertsona Europako aireportuetan harrapatuta geratu ziren, elurrak ehundaka hegaldi bertan behera utzi eta gero.
• Abenduaren 21a - 6,5 graduko lurrikara batek zazpi pertsona hil zituen Irango Kerman probintzian.
• Abenduaren 30a - Lau guardia zibil 4 urtera arteko espetxe zigorrera zigortu zituen Gipuzkoako Probintzi Auzitegiak 2008an Igor Portu eta Mattin Sarasola torturatzeagatik.

Arte eta kultura

• Martxoaren 21a - Julio Soto gorritiarrak irabazi zuen 2010eko Nafarroako Bertsolari Txapelketa.
• Maiatzaren 29a - Alemaniak irabazi zuen Eurovision Oslon.
• Uztailaren 5a - Goenkale bere 3.000 atala emititu zuen.

Zientzia eta teknologia

• Otsailaren 2a - Espainian lau milioi pertsona baino gehiago zeuden langabezian.
• Otsailaren 7a - Europar Batasuneko Zientzia eta Berrikuntza ministroen goi-bilera Donostian.
• Otsailaren 19a - IUPACek Kopernizio izena eman zion 112. elementu kimikoari.
• Apirilaren 8a - Errusiako eta AEBetako zientzialari talde batek taula periodikoaren 117. elementua atzeman zuen historian lehen aldiz.
• Maiatzaren 10a - Bilboko eta Europa osoko burtsek historiako igoerarik handiena izan dute, igandean Europako finantza ministroek hartutako neurriak begi onez ikusi eta gero. Europako igoerarik handiena Madrilgo Ibex 35-k izan zuen.
• Maiatzaren 21a - Craig Venterren zientzialari taldeak historian lehen aldiz zelula sintetikoa sortu zuen laborategian.

Kirolak

• Otsailaren 12a -
  • Nodar Kumaritashvili luge kirolari georgiarra hil da 2010eko Neguko Olinpiar Jokoen aurreko entrenamenduan.
  • Frantziak 2010eko Sei Nazioen Torneoa eta Grand Slama irabazi zituen.
• Martxoaren 19a - Jon Santacana eskialari euskaldunak Paralinpiar Jokoetako jaitsiera frogan urrezko domina irabazi zuen.
• Apirilaren 17a - Edurne Pasaban mendizale tolosarrak Annapurna (8.091 metro) mendia igo eta bere 13. zortzimilakoa bereganatu zuen.
• Maiatzaren 17a - Edurne Pasabanek hamalaugarren zortzimilakoa (Shisha Pangma) lortu zuen.
• Maiatzaren 22a - Parisen Biarritz Olympique euskal errugbi taldeak Stade Toulousain okzitaniar taldearen aurka Heineken Kopako finala (19-21) emaitzarekin galdu zuen.
• Maiatzaren 30a -
  • Ivan Bassok Italiako Giroa irabazi zuen.
  • Victor De la Parte gasteiztarrak Nafarroako Itzulia irabazi zuen.
• Ekainaren 11tik uztailaren 11ra arte - 2010eko Munduko Futbol Txapelketa Hego Afrikan.
• Ekainaren 13a - Realak Celta de Vigori 2-0 irabazi eta lehen mailara igo da 3 urtez bigarren mailan egon ondoren.
• Ekainaren 15a - Saski Baskoniak bere hirugarren ACB Liga irabazi zuen.
• Ekainaren 16a - Los Angeles Lakers saskibaloi taldeak aurtengo NBA ligako titulua irabazi zuen.
• Ekainaren 24a - Wimbledon txapelketako Mahut-Isner partida tenisaren historiako partidarik luzeena bilakatu zen.
• Uztailaren 3a - 97. Frantziako Tourra hasi zen Rotterdamen.
• Uztailaren 4a - Rafael Nadal tenislari mallorcarrak bere bigarren Wimbledongo txapelketa irabazi zuen.
• Uztailaren 11 - Espainiako Futbol Selekzio Nazionalak 1-0 irabazi zion Herbeheetakoari Hegoafrikako Munduko Futbol Txapelketan. Iniestaren golak historiako lehen garaipena eman zion Espainiari.
• Irailaren 5a - Shoya Tomizawa Moto2ko japoniar pilotua hil zen, San Marinoko Sari Nagusian erorikoa izan ondoren.
• Irailaren 13a - Ameriketako Estatu Batuek Munduko Saskibaloi Txapelketa irabazi zuten.
• Irailaren 12a - Urdaibaik Donostiako 115. Kontxako Bandera irabazi zuen.

Heriotzak

Urtarrila

• Urtarrilaren 1a -
  • Lhasa de Sela abeslari kanadarra. (j. 1972)
  • Marlene Neubauer-Woerner eskultore alemaniarra. (j. 1918)
• Urtarrilaren 4a -
  • Johan Ferrier Surinamgo presidentea 1975 eta 1980 bitartean. (j. 1910)
  • Hywel Teifi Edwards akademiko eta historialari galestarra. (j. 1934)
  • Tsutomu Yamaguchi, Bigarren Mundu Gerrako pertsonaia. (j. 1916)
• Urtarrilaren 5a -
  • Kenneth Noland margolari estatubatuarra. (j. 1924)
  • Bernard Le Nail idazle eta militante bretainiarra. (j. 1946)
• Urtarrilaren 7a - Philippe Séguin Frantziako ministro eta Asanblea Nazionaleko presidente ohia. (j. 1943)
• Urtarrilaren 8a - Eugenie Kain idazle austriarra. (j. 1960)
• Urtarrilaren 10a - Torbjørn Yggeseth eski-jauzilari norvegiarra. (j. 1934)
• Urtarrilaren 11 -
  • Miep Gies Anne Franken familiari lagundu zion emakumea. (j. 1909)
  • Éric Rohmer zine zuzendari frantziarra. (j. 1920)
• Urtarrilaren 12a -
  • Zilda Arns pediatra eta giza-ekintzaile brasildarra. (j. 1934)
  • Daniel Bensaïd filosofo frantsesa. (j. 1946)
  • Jorge Cortes Izal euskaltzaina. (j. 1930)
• Urtarrilaren 14a - Antonio Fontán politikari eta kazetari espainiarra. (j. 1923)
• Urtarrilaren 15a - Imanol Ceciaga Arizaga euskal futbolaria. (j. 1929)
• Urtarrilaren 17a - Jose Luis Orbegozo 1967 eta 1983 artean Real Sociedadeko presidentea. (j. 1929)
• Urtarrilaren 18a - Kate McGarrigle abeslari quebectarra. (j. 1946)
• Urtarrilaren 19a - Panajot Pano futbolari albaniarra. (j. 1939)
• Urtarrilaren 20a - Konstantin Popov kazetari errusiarra, poliziaren indarkeriaren ondorioz.
• Urtarrilaren 22a -
  • Andrew E. Lange astrofisikari estatubatuarra. (j. 1957)
  • Jean Simmons aktore britainiarra. (j. 1929)
• Urtarrilaren 25a - Ali Hassan al-Majid, "Ali Kimikaria" bezala ezagutua, irakiar ministro ohia. (j. 1941)
• Urtarrilaren 26a - Louis Auchincloss idazle estatubatuarra. (j. 1917)
• Urtarrilaren 27a -
  • Zelda Rubinstein aktore estatubatuarra. (j. 1933)
  • Jerome David Salinger idazle estatubatuarra. (j. 1919)
  • Howard Zinn historialari estatubatuarra. (j. 1922)
• Urtarrilaren 31 -
  • Tomás Eloy Martínez kazetari eta idazle argentinarra. (j. 1934)
  • Pauly Fuemana musikari eta abeslari zeelandarra. (j. 1969)

Otsaila

• Otsailaren 1a -
  • Azzeddine Laraki, Marokoko lehen ministro ohia 1986tik 1992ra. (j. 1929)
  • Justin Mentell, aktore estatubatuarra. (j. 1982)
• Otsailaren 4a - Tomás Mac Giolla politikari irlandarra. (j. 1924)
• Otsailaren 7a -
  • Franco Ballerini txirrindulari ohi italiarra. (j. 1964)
  • André Kolingba Afrika Erdiko Errepublikako presidente ohia. (j. 1935)
• Otsailaren 9a -
  • Jon Etxeandia Zorroza ETA kide ohia. (j. 1962)
  • Walter Frederick Morrison frisbeearen asmatzailea. (j. 1920)
• Otsailaren 10a - José Joaquín Trejos Fernández Costa Ricako presidente ohia. (j. 1916)
• Otsailaren 11a - Alexander McQueen moda-disenatzaile ingelesa. (j. 1969)
• Otsailaren 12a - Nodar Kumaritashvili luge-kirolari georgiarra. (j. 1988)
• Otsailaren 20a - Juan Perurena bertsolari nafarra. (j. 1930)
• Otsailaren 21a - Jacek Karpiński konputagailu-zientzialari poliniarra. (j. 1927)
• Otsailaren 23a - Orlando Zapata disidente kubatarra. (j. 1967)
• Otsailaren 25a - Andrew Koenig aktore estatubatuarra. (j. 1968)

Martxoa

• Martxoaren 12a - Miguel Delibes, idazle eta kazetari espainiarra. (j. 1920).
• Martxoaren 15a - Jean Ferrat, frantziar abeslaria (j. 1930).
• Martxoaren 28a - Joxe Mari Mendizabal aizkolaria Tolosan egindako proba baten hil zen bihotzekoak jota.

Apirila

• Apirilaren 10a - Maria Kaczyńska lehen dama poloniarra. (j. 1943).
• Apirilaren 10a - Lech Kaczyński, Poloniako presidentea 2005 eta 2010 bitartean. (j. 1949).
• Apirilaren 19a - Guru rapero estatubatuarra. (j. 1961)
• Apirilaren 21a - Juan Antonio Samaranch kirol-buruzagi, enpresario eta politikari espainiarra. (j. 1920)
• Apirilaren 29a - Tolo Calafat mendizale balearra. (j. 1970)
• Apirilaren 30a - Jordi Estadella kazetari, esatari eta bikoiztaile kataluniarra. (j. 1948).

Maiatza

• Maiatzaren 12a - Antonio Ozores aktore espainiarra. (j. 1928)
• Maiatzaren 24a - Paul Gray Slipknot taldeko baxu-jole estatubatuarra. (j. 1972)
• Maiatzaren 28a - Gary Coleman aktore estatubatuarra. (j. 1968)
• Maiatzaren 29a - Dennis Hopper estatubatuar aktore eta zinema zuzendaria. (j. 1936)

Ekaina

• Ekainaren 3a - Vladimir Arnold matematikari errusiarra. (j. 1937)
• Ekainaren 3a - Rue McClanahan aktore estatubatuarra. (j. 1934)
• Ekainaren 18a - José Saramago idazle portugaldarra. (j. 1922)

Iraila

• Irailaren 5a - Shoya Tomizawa Moto2ko japoniar pilotua.
• Irailaren 19a - José Antonio Labordeta, poeta, abeslari eta politikari aragoiarra (j. 1935).

Urria

• Urriaren 10a
  • Marcelino Bergara edo Bergara II.a pilotari nafarra (j. 1943).
  • Joan Sutherland soprano australiarra. (j. 1926).
  • Solomon Burke musikari estatubatuarra (j. 1940).
• Urriaren 12a - Manuel Alexandre aktore espainiarra (j. 1917).

Abendua

• Abenduaren 4a - Xabier Lete, euskal kantari, olerkari eta idazlea (j. 1944).
• Abenduaren 27a - Sabin Intxaurraga, politikari bizkaitarra (j. 1949).

Agintariak

Munduko agintariak 2010. urtean

---