Pakistan

Da Uicchipèdie, 'a 'ngeclopedije lìbbere.
Zumbe a: navighesce, cirche
Ce tìne probbleme sus 'a visualizzazzione de le carettere, cazze aqquà.
Segui progetto.png
Pakistan
Pakistan - Bandiera
Pakistan - Stemma
(dettagli) (dettagli)
Motto: Iman, Ittehad, Tanzeem (urdu: "Fede, aunitate, discipline")

Pakistan in its region (claimed and disputed hatched).svg
'Mbormaziune
Nome comblete: Repubbleche Islameche d'u Pakistan
Nome ufficiale: اسلامی جمہوریۂ پاکستان
Islami Jamhuriat Pakistan
Lènga ufficiale: 'nglise, urdu
Capitale: Islamabad  (805.000 cr.)
Politica
Guverne: Repubbleche Islameche
Cape de state: Asif Ali Zardari
Capo di governo: Yousaf Raza Gillani
Indipendenze: Da 'u Regne Aunìte
15 aguste 1947
Trasute jndr'à l'ONU: 30 settembre 1947;
Superficie
Totale: 803.940 km²  (34º)
 % delle acque: 3,1 %
Popolazzione
Totale (2009): 180.808.000[1] ab.  (6º)
Densità: 224.9 ab./km²  
Sciugrafije
Continende: Asia
Fuse orarie: UTC +4
Economije
Valuta: Rupia pakistane
PIL (PPA)  (2008): 439.558 miliune de $  (27º)
PIL procapite (PPA)  (2008): 2.624 $  (134º)
ISU  (2007): 0,571 (medie)  (141º)
Energia:
Varie
TLD: .pk
Prefisso tel.: +92
Sigla autom.: PK
Inno nazionale: Pak sarzamin shad bad
Festa nazionale:  

Pk-map.png
Portale:Portali Vè vide 'u [[Portale:{{{portale}}}|Portale {{{portale}}}]]

'A Repubbleche Islameche d'u Pakistan (پاکستان jndre Urdu) jè 'nu state de ll'Asie meridionale. 'U Pakistan confine a sud-ovest cu l'Iran, a ovest cu l'Afghanistan, a nord cu 'a Cine e ad est cu l'Indie. A sud ète vagnate da 'u mar Arabiche, 'nu mare de ll'Oceane Indiane.

'U Pakistan jè 'na repubbleche presidenziale, 'u presidente d'a Repubbleche jè Asif Ali Zardari, 'u Prime Ministre 'ngareche jè Yousaf Raza Gillani.

Cu cchiù de 180 miglione de crestiáne[1] jè 'u seste state cchiù populose d'u munne: oltre ad essere 'u seconne cchiù granne state musulmane jndr'ô munne dope l'Indonesie, jè pure 'nu membre 'mbortande de ll'Organizzazione d'a Conferenze Islameche.

'U Pakistan jè pure une de lle naziune ca tènene ufficialmènde arme nucleare.

Condenute

[cange] Origgene d'u nome

L'origgene d'u nome Pakistan jè controverse, jndre urdu e jndr'ô persiane pak segnefeche pure de spirite, pe' cui aggiungenne 'u suffisse -stan, terre 'u segnefecate sarebbe "terre de le pure". 'A prime appariziune d'u nome, jndr'à forme Pak(i)stan resale ad 'u 28 scennàre 1933 jndr'à ll'opuscole "Now or Never. Are we to live or perish forever?" de Choudhary Rahmat Ali (canosciute pure cumme Rehmat Ali Khan), une de le prengepále sostenitore de lle 'ndependenze d'ô state islameche. Jndr'à lle 'ndenziune de ll'autore 'u nome nasce d'a condraziune de le nome de lle reggione jndr'à ll'aree ca jidde acchiave cumme patrie de le musulmane d'u nord de ll'Indie e cioè Punjab, Afghania ('u Khyber Pakhtunkhwa de ôsce a die), Kashmir, Sindh e Belucistan.[2]

[cange] Sciugrafije

'U Pakistan se iacchie jndr'à ll'Asie meridionale, se spànne 'mbrà lle 24° e le 37° de latitudene nord e le 61° e le 77° de longitudene est tènene 'na superficie de 796.095 km²[3], quiste date non ge combrenne le territorie settendrionale de ll'Azad Kashmir e d'u Gilgit-Baltistan amministrate da 'u Pakistan me condese cu l'Indie e accussì non cundeggiate jndr'à lle date ufficiale.

Da nord a sud ô state se spànne pe' 1500 km, a est confine cu l'Indie pe' 2912 km. a ovest, l'Iran tène 909 km de confine cu 'u Pakistan. A nord ovest se iacchie l'Afghanistan, 'u cui confine comune mesure 2430 km. Pe' spiccià a nord est ce sonde 523 km de confine cu 'a Cine. A sud ète vagnate da 'u Mare Arabiche pe' 'nu sveluppe costiere de 1046 km.

[cange] Morfologgije

'A K2, seconne cime cchiù ìrte d'a Terre, se iacchie jndr'ô Pakistan

Le aree settendrionale e occidentale d'u Pakistan sonde monduose. 'A vanne d'u Kashmir amministrate da 'u Pakistan combrenne alcune de lle mundagne cchiù ìrte d'u munne, 'mbrà cui 'a seconne n'ìrtezze, 'u K2. Aqquà se congendre pure 'a cchiù ìrte percenduale de vosche, pascole, biodeversetate, chiande medicinale e aree prutette d'a naziune. 'U territorie avène ausate cumme terrene arabbele, da paschele o pe' 'a silvicolture, n'base sije ad 'u clime ca a ll'altitudene, a ll'aspette fiseche-sciugrafeche, a ll'umiditate d'u terrene e a lle condiziune socio-economeche. Cchiù d'u 90% d'a reggione jè comboste da mundagne a forte pendenze cu 'nu strate assaje dìleche e fraggele de suole. Generalmènde, le 'nstabbeletate de quiste territorie le fàce devendà picche coltivabbele e assaje aride.

[cange] Idrografije

'U cchiù granne curse d'acque d'u Pakistan jè l'Indo, ca nasce jndr'à Cine, e scorre pe' 'a maggior parte d'u soje curse jndr'ô Pakistan, tuccanne totte le provinge lassanne sule 'u Belucistan. Assaje jume 'mbortande, 'nderconnesse mediande 'u maggior sisteme mondiale de canale, se immettene jndr'à ll'Indo d'apprìme ca jidde sfoce jndr'ô mare Arabiche.

[cange] Clime

'U Pakistan d'u nord tende ccu hàve precipitaziune maggiore d'a vanne meridionale d'u paise, e tène alcune aree jndre cui resiste 'u vosche chiovose. Jndr'ô sudest, 'u confine cu l'Indie passe pe' 'nu deserte chiatte, canosciute cumme deserte d'u Cholistan o Thar. 'U Baluchistan cendre-occidentale tène 'nu ìrtechiane deserteche, circunnate da mundagne ca non ge sonde assaje ìrte. 'A maggior parte d'u Punjab, e 'na vanne d'u Sindh, sonde chianure fertile addò l'agricolture tène assaje 'mbortanze. A lle 'nderne d'u paise, jndr'à lle valle addò se iacchiane le cetate de Jacobabad e Sibi, se raggiungone le temberature cchiù ìrte de lle 'ndere continende asiateche cu punde, ad 'a fine d'a staggione primaverile pure de +52 °C / +53 °C.

[cange] Ordinamènde d'ô state

[cange] Suddivisiune amministrative

Provinge e territorie d'u Pakistan
Exquisite-kfind.png Pe approfondimende, 'ndruche 'a vôsce Suddivisiune d'u Pakistan.

'U Pakistan jè 'na federaziune ca combrende 4 provinge, 2 territorie, e amministre pure 'na vanne d'u Kashmir. Le provinge sonde ulteriormènde scucchiáte jndre 'nu totale de 107 destritte.

Provinge:

Territorie:

Parte d'a provinge de Jammu e Kashmir sutte amministraziune pakistane:

L'Azad Kashmir tène 'u soje guverne democrateche, addò le crestiáne eleggone 'nu proprije presidende e prime ministre pe' 'a gestiune de le affare d'u luèche.


[cange] Tradiziune

[cange] Gastronomije

Exquisite-kfind.png Pe approfondimende, 'ndruche 'a vôsce Cucine d'u Pakistan.

'A cucine pakistane cange a seconne d'a reggione; parlanne n'generale jè quase auguale ad 'a cucine de ll'Indie settendrionale.


[cange] Curiosetate

Jeeway Jeeway Pakistan jè 'na famuse canzone naziunale pakistane, scritte da Jamiluddin Aali

[cange] Note

  1. ↑ 1.0 1.1 Department of Economic and Social Affairs Population Division (2009). "World Population Prospects, Table A.1" (.PDF). 2008 revision. United Nations. Conzultate 'u 2009-03-12.
  2. ↑ Choudhary Rahmat Ali: Now Or Never: Are We To Live Or Perish Forever?
  3. ↑ (EN) CIA World Factbook [1] url conzultate 'u 29 settèmmre 2010

[cange] Bibbliografije

[cange] 'Ndruche pure

[cange] Otre pruggette

[cange] Collegaminde fore a Uicchipèdie

Pigghjete da "http://roa-tara.wikipedia.org/w/index.php?title=Pakistan&oldid=97240"
Struminde personele
Namespace

Variande
Aziune
Navigazione
strumenti
Jndr'à l'otre lènghe