Italia

Res Publica Italica
Repubblica Italiana

(Vexillum) (Insigne)
Sententia nationalis: --
Linguae officiales	Lingua Italiana
Nomen incolarum adiectivum	Italus Italicus
Carmen nationale	Cantus Italorum (Canto degli Italiani) seu Hymnus Mameli (Inno di Mameli)
Praesidens	Georgius Napolitano
Caput	Roma 41° 54′ Sept., 12° 30′ Ort.
Urbs maxima	Roma
Area  - Totalis  - aqua (%)	de area 71°a 203 607 mi; 301 338 km² 2,4%
Numerus incolarum (anno 2007) Totalis  - Spissitudo	de frequentia 22.a 59 337 888 197/km²
PDB (anno 2003)  - Totalis  - PDB/capita	de producto 0a 0 0 (0.a)
Nummus	Euro (EUR)
Libertas - Declarata	17 Martii 1861
Circulus temporalis  - aestate (HÆ)	TEC (UTC+1) TÆEC (UTC+2)
Praefixum telephonicum nationis	+39
Dominium interretiale	.it

Tabula situs Italiae

Italia (-ae, f.), rite Res Publica Italica (Italiane: Repubblica italiana), est civitas partim in Europa Continente, partim in Paeninsula Italica in Europa Meridionali sita, et in duabus maximis Maris Mediterranei insulis, Sicilia et Sardinia. Italia fines alpinos cum Francia, Helvetia, Austria, Slovenia habet. Sanctus Marinus et Civitas Vaticana, civitates sui iuris, sunt inclavia (Francogallice: enclaves) intra Paeninsulam Italicam, et Campione d'Italia est exclave (Francogallice: exclave) Italica intra Helvetiam. Terra Italica in 301 338 km² consistit, a climate temperato anni mota.

Ambitus civilizationis Etruscae saeculis octava ad quintum a.C.n.

Terra hodie Italia appellata fuit incunabulum culturarum nationumque gravissimorum, sicut Etrusci et Romani. Caput Italiae, Roma, ut caput Imperii Romani, multa saecula fuit civilis civilizationis Occidentalis sedes. Post deminutionem Imperii Romani, Italia multas inruptiones alienigenarum passa est—incursiones a tribubus Germanicis sicut Lombardi et Ostrogothi factas, a Normannis quoque, et deinde a Byzantinis et aliis. Nonnulla saecula post, Italia Renascentiam peperit, maxime fertilem mentis motum, qui totum cogitationis Europaeae cursum penitus conformavit.

Per multum historiae post Imperium Romanum, Italia in multa regna urbesque sui iuris fracta est, sicut Regnum Sardiniae, Regnum Duarum Siciliarum, et Ducatus Mediolani, sed anno 1861, post aevum tumultuosum Italice "Risorgimento" tunc appellatum, in una dicione coniuncta est. A saeculo undevicesimo exeunte per Bellum Orbis Terrarum I et ad initium Belli Orbis Terrarum II, Italia imperium coloniale possedit, quod Libyam, Erythraeam, Somaliam Italicam, Aethiopiam, Albaniam, Rhodum, Dodecanesumque regnabat, et concessiones in Tianjin Sinarum habebat.

Italia hodierna est res publica democratica.

Geographia

Terra Italica dividitur in viginti regiones. Italia Alpes ad septentriones multasque insulas vicinas comprehendit. Italicam paeninsulam, forma caligae similem, Mare Mediterraneum circumfluit.

Montes et valles

• Aetna
• Alpes
• Apennini
• Camunnica vallis vel Vallis Camunnorum
• Marmolata
• Rupes Alba
• Pustriosa vallis
• Vallis Arni
• Vallis Telina
• Mons Fiscellus
• Mons Falteronae

Fluvīī

• Padus
• Athesis
• Tiberis
• Arnus

Lacus

• Benacus lacus
• Ceresius
• Cusius lacus
• Eridius lacus
• Larius lacus
• Sebinus lacus
• Trasimenus lacus
• Verbanus lacus

Historia

Italia ex Italicorum tribu nomen accepit; Italorum nomen a vitulis, eorum sacris animalibus, tractum est. Praesens civitas anno 1861 Regnum Italiae condita est. A die 2 Iunii 1946, cum, suffragio populari indicto, Itali pro re publica contra monarchiam suffragati essent, Italia res publica facta est.

• Categoria: Gentes Italicae antiquae
• Roma antiqua
• Historia Italica
• Rei publicae disciplina et administratio in Italia

Institutiones

Facultas leges faciendi ad Conventum Populi Legatorum (Italiane: Camera dei deputati), qui e 630 legatis constat, et ad senatum, qui e 315 senatoribus constat, pertinet. Senatus in Palatium Madama, Conventus in Palatium Montecitorio cogitur. Dux civitatis est praeses rei publicae, a coniunctis Senatu atque Conventu Populi Legatorum in septem annos creatus. Rei publicae praeses hodiernus (anno 2011) est Georgius Napolitano, cum consilii ministrorum praeses sit Marius Monti (confer Magnam Chartam Italiae).

Sermones

• Vide etiam Lingua Italiana

Magna pars Italorum Lingua Italiana utitur, sed apud fines Italiae incolae etiam aliis sermonibus loquuntur, exempli gratia lingua Francogallica in Valli Augustana, Germanica et Ladina in Provincia Bauzani, hoc est in Tiroli Meridiana, Slovenica in aliquibus vicis Fori Iulii et Venetiae Iuliae et Graeca (in aliquibus vicis Apuliae et Calabriae).

Urbes

Imprime ut indicem pleniorem urbium Italicarum videas.

Regiones

Regiones Italiae

Maximus Imperii Romani ambitus

Italiae sunt viginti regiones:

Regiones Italiae

Latine	Italice	Regionis caput
Pedemontium	Piemonte (14)	Augusta Taurinorum (Torino)
Vallis Augustana	Valle d'Aosta / Vallée d'Aoste (2)	Augusta Praetoria (Aosta / Aoste)
Langobardia	Lombardia (11)	Mediolanum (Milano)
Tridentinum - Alta Athesia / Tirolis Meridionalis	Trentino - Alto Adige / Südtirol (17)	Tridentum (Trento)
Venetia	Veneto (20)	Venetiae (Venezia)
Forum Iulii et Venetia Iulia	Friuli - Venezia Giulia (8)	Tergeste (Trieste)
Liguria	Liguria (10)	Genua (Genova)
Aemilia et Romania	Emilia - Romagna (7)	Bononia (Bologna)
Tuscia	Toscana (18)	Florentia (Firenze)
Umbria	Umbria (19)	Perusia (Perugia)
Marchia Anconitana	Marche (12)	Ancona (Ancona)
Latium	Lazio (9)	Roma (Roma)
Aprutium	Abruzzo (1)	Aquila (L'Aquila)
Molensis	Molise (13)	Campus Bassus (Campobasso)
Campania	Campania (6)	Neapolis (Napoli)
Apulia	Puglia (3)	Barium (Bari)
Lucania	Basilicata (4)	Potentia (Potenza)
Bruttium	Calabria (5)	Catacium (Catanzaro)
Sicilia	Sicilia (16)	Panormus (Palermo)
Sardinia	Sardegna (15)	Caralis (Cagliari)

Athletica

• Ludi, certamina, corporis exercitationes et delectamenta in Italia

Anno 2006, Italia Harpastri Adsocietatum Gentium Foederis Terrarum Poculi fuit victrix.

Fontes

• Verborum thesaurus ad conversionem inter Latinam et Italicam linguas, ab Aloisio Castiglioni et Scaevola Mariotti scriptus
• Encyclopaediae a De Agostini editae
• Verborum thesaurus de Italica lingua, a Nicolao Zingarelli scriptus

Vide etiam

• Commune Italiae
• Provincia Italiae
• Regio Italiae
• Vexillum Reipublicae Italianae
• Imperium Romanum