La pesca miraculosa

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí

Per Joan-Claudi Toidibò Renós, d'après un conte urban.

La pesca miraculosa

Un còp èra a La Capèla e Masmolèna, dau temps dei chivaus de trach e dei bugadas au lavador, un enfant deis escarrabilhats, un pauretòt dei paures, un pesolhós dei pesolhós, que se disiá lo Peiròt de la Joaneta, perque Joaneta èra lo pichòt nom de la maire. Una paura dròlla que subreviviá en fasent la jornadiera au prètzfach d’aquí entre aquí per lei pelòts, e qu’aviá eiretat d’aqueu niston sensa qu’óm saupèsse jamai de quau, e benlèu qu’ela meme o sabiá pas.

Aquel ivèrn gelèt come jamai, fins au ponch que se podiá marchar sus l'estanh de La Capèla, emai que s’en privèron pas leis enfants. Aquò anava pas sensa rires, sensa casudas e sensa bonhas, mai fau mai que jovença passèsse, come se ditz.

Aviá trobat lo biais de pescar dins l'estanh en i cavant un trauc lo Peiròt de la Joaneta, come o fan leis esquimaus. E òm se preissavan sus lei ribas de l'estanh per veire la pesca miraculosa. Ne sortissiá carpas e bechets, e dei gròs que vos dise qu'aquò, mon Peiròt. Ben talament qu'un pelòt dei rics que se fasiá glòria d'èsser lo pescaire melhor de La Capèla decidiguèt que ne remostrariá a aqueu paurassòt. Cavèt son trauc pròpi, despaquetèt e espandissèt tot son materiau, e pèsca que pescaràs… Pesquèt dei coitas de ceba !

Au bot d'una ora lo pelòt se despacientèt e cridèt au drollet :

- Eh, lo Pèirot, come fas per pescar d'aquelei monstres ?

- Au ada i èm au au, respondèt lo drollet.

- Qué ?

- Au ada i èm au au

- Comprene pas ren a çò que contes, Peiròt,  pòdes articular ?

Alora lo drollet escupíguèt quicòm dins sa man, puèi diguèt :

- Fau gardar lei vèrms au caud !

La pèche miraculeuse

Il était une fois à la Capelle et Masmolène, du temps des chevaux de trait et des lessives au lavoir, un enfant des plus dégourdis, un pauvre parmi les plus pauvres, un pouilleux parmi les pouilleux, qu’on appelait lo Pierrot de la Jeanne, parce que c’est le prénom de sa mère. Une pauvre fille qui survivait en travaillant à la journée pour les paysans aisés et avait eu cet enfant dont ne sait qui, elle-même ne le savait d’ailleurs peut-être pas.

Cet hiver-là il avait gelé comme jamais à la Capèlle et Masmolène, au point qu’on pouvait marcher sur l’étang, ce dont les enfants ne se privaient pas. Cela n’allait pas sans rires, sans chutes et sans bosses, mais il faut bien que jeunesse passât, comme on dit. Le Pierrot de la Jeanne, lui, avait trouvé le biais de pécher dans l’étang en y creusant un trou comme le font les esquimaux. Et on se pressait sur les rives de l’étang pour voir le Pierrot de la Jeanne en sortir carpes et brochets, et des gros que je ne vous dis que ça. Au point qu’un pélot parmi les pélots, parmi les plus aisés qui se targuait d’être le meilleur pécheur de la capelle décida qu(il en remontrerait à ce petit pauvre. Il creuse son trou déballe tout son matériel, et pèche que tu pècheras… En vain !

Au bout d’une heure le pélot perd patience et crie au gamin :

- Eh, le Pierrot, comment tu fais ?

- Ai ada i ème au au, répond le gamin.

- Hein ?

- Ai ada i ème au au.

- Je ne comprends rien à ce que tu racontes, tu peux articuler ?

Alors le gamin crache quelque chose dans sa main, puis dit :

- Faut garder les vers au chaud !

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí