Lo jet esquilhaire

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí

Per Joan-Claudi Toidibò Renós, d'après un conte urban.

Lo jet esquilhaire

Come o disiá lo cònsol de Sant Andrieu de Valfons dempuèi de temps :

-  Es nòstre orizont de non passar lo torisme.

Tanben quand la peiriera, la mai granda d'Euròpa, a plagat botiga, aguèt una idèa de gèni lo cònsol.

Fins alara assegurava l'emplec de la comuna e dei comunas avesinantas la peiriera, come la subrevida dei comèrcis. Tanben, dins un primièr temps, provoquèt un grand esmai la barradura força au delà de la comuna e dau departament. Lei sindicats, leis edils de senèstre, la populacion bracegèron, braceja que bracejaràs, braceja que bracejaràs… E puèi…

Es puèi assegurèt que la barradura èra un astre per l'ecologia lo cònsol. Afenits lo bruch, la pollucion de lenvirona, l’anar-venir de camions. Mai tanben per la securitat, una veitura de torisme es mens perilhós per leis usatgièrs de la rota qu’aquei monstràs carrejaires de peiràs. Sens comptar l'entretenença dei rotas entraucadas per lei camionaràs. Mai encara e sustot per l’economia e per l'emplec.

Faliá profechar, diguèt lo cònsol, dau gorjaràs dins lo sòu cavat per l'extraccion de la peiriera, l’emplenar d'aiga, e crear un immens bacin nautic, que s’ ié poiriá pescar lei peis qu’òm i introduiriá, far de patin a glaç l'ivèrn quand lo lac seriá gelat, se banhar l'estiu e meme, meme, far de vela e de motònautisme (de jet esquí)…

E leis dardenas afluïguèron de pertot, dau departament, de la region, de l'Estat, e meme d'Euròpa.

E lo projècte venguèt realitat !

Non pas sensa quauquei friccionetas de vesinatge entre pescaires, banhaires e jet esquilhaires, come aqueu jorn…

Aqueu jorn, dos pescaires pescavan plan plan sus sa barqueta non luenh de la riba. Supèrba matinada, suava, ges de bruch levat lo de l'aiga que cascalhava doçatament.

Subran… un jet esquilhaire jove passèt davant elei come un caluc sus son fotrau d’engenh, leis esposcant e cujant capvirar la barqueta dins un bruch d'infèrn…

Lei dos pescaires se levèron en bramant deis escòrnas … Puèi s’assetèron mai…

Doas minutas mai tard, zo mai… Lo meme jove repassèt come un caluc, e les pescaires se tornèron levar en bramant deis escòrnas…

Puèi cinc minutas se passèron tornarmai… E, i siam mai, lo meme jove tornèt encara un còp amb son jet esquí passèt davant lei pescaires e aquí…

E aquí, lo jet esquí truquèt un tronc d'aubre que flotava a flor d'aiga, la mòto nautica se revirèt, assucant lo jove que s’aprefondèt e remontèt pas pus au plan de l’aiga…

Lei pescaires esitèron pas e cabussèron dins lo lac, apercebèron lo còs, lo tornèron sus la riba, e decidiguèron de lo reviscolar en ié fasent de boca a boca.

Un pescaire se clinèt, aprochèt la boca de la dau negat e… se reculèt lèu lèu :

- Non, aquò passa mei fòrças, pudís tròp de la gola.

E l'autre pescaire lo rassegurèt :

- T’en fagues pas, es pas lo nòstre de negat, aquest a de patins de glaç ai pès !

Le jet skieur

Comme le disait le maire depuis longtemps, « le tourisme c’est notre horizon indépassable ». Aussi quand la carrière de pierre, la plus grande d’Europe a fermé, le maire a eu une idée. Jusqu’alors la carrière de pierre, la plus grande d’Europe, assurait l’emploi de la commune et des communes avoisinantes ainsi que la survie des commerces.  La fermeture provoqua un grand émoi bien au-delà de la commune et du département. Alors le maire assura que c'était tout au contraire une chance à la fois pour l’écologie et pour sauver l’emploi et qu’il fallait profiter du trou immense laissé par l’extraction de la carrière pour créer un immense bassin nautique où on pourrait pêcher les poissons qu’on y aurait introduit, faire du patin à glace l’hiver quand le lac artificiel serait gelé, se baigner l’été et même faire de la voile et du motonautisme. Les crédits affluèrent de partout, du département, de la région, de l’Etat, et même de l’Europe.

Et le projet devint réalité, non pas sans quelques petits problèmes de coexistence entre pêcheurs, baigneurs ou pratiquants du motonautisme, entre autres !

Ce jour-là, deux pêcheurs pêchaient tranquillement sur leur barquette non loin de la rive du lac. Superbe matinée, calme, pas un bruit si ce n’est celui de l’eau.
Tout à coup… un jeune homme pratiquant le motonautisme passa devant eux comme un fou, les éclaboussant, manquant chavirer la barque dans un bruit d’enfer…

Les deux pêcheurs se levèrent en hurlant… puis se rassirent… Deux minutes plus tard… le même jeune homme repassa comme un fou, et ils se relevèrent en hurlant… puis cinq minutes se passèrent de nouveau…
Le même jeune homme revint encore une fois avec sa moto nautique, passa devant les pêcheurs… Et là, la moto heurta un tronc d’arbre qui flottait à fleur d’eau, la moto se retourna assommant le jeune homme qui coula, et ne remonta pas à la surface…

Les deux pêcheurs n’hésitèrent pas un instant et plongèrent, aperçurent le corps et le ramenèrent sur la berge où ils décidèrent de le ranimer en lui faisant du bouche à bouche.

Un des pécheurs se pencha, approcha sa bouche et se recula précipitamment :

- Non, c’est impossible, il pue trop de la gueule.
Et l’autre lui répondit :

- Ne t’inquiète pas, ce n’est pas le nôtre de noyé, celui-ci à des patins à glace aux pieds !

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí