Jorn de caça

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí

Per Joan-Claudi Toidibò Renós, d'après un conte urban.

Jorn de caça

Aquel jorn èra jorn de caça, e i avián demandat d’èsser a l’espèra lei collègas dau Matiás Querre, endacòm dins la forèst de Sant Andrieu de Valfons, que i  deurián passar lei singlars desvirats per lei caçaires. Èra pas tròp complicada la consigna, pas bolegar de ges de biais. Èra un pauc simple lo Matiàs mai sabiá tirar. E demandava pas mai que de restar solet per ço que aimava lei bòscs e aviá eretat d'una menina masca lo don de comprene lo lengatge dei bèstias.

Mai quicòm s’èra pas debanat come esperat. Quand leis autrei caçaires arribèron aquí que lo Matiás deviá esperar, lei singlars èran ja passats e lo Matiás èra pas pus aquí.

Tornats a Sant Andrieu de Valfons, anèron en cò de Matiàs lei collègas, e lo tròbèron recoquilhat dins un canton de la cambra, lei mans esquichant son intimitat, tremolant de dents, plorant, tremolant de tot lo còrs, e mai pala qu'un matin bleime d'ivèrn.

 E expliquèt lo Matiàs :

- Quand lei còrbs decidiguéron de me cagar dessús e que totei lei aucèus de bòscs leis vouguèron imitar, ai pas res dich e ai pas bolegat. Quand un rainard me pissèt dessús e que totei lei rainards e totei lei taissons decidtguèron de ne far aitant, ai pas res dich e ai pas bolegat tanpauc. Mai quand es tornat dins mei braias un pareu d'esquiròu e que n'ausiguère  un dire «Se'n manja una ara e se garda l'autre per l'ivèrn», lei nervis me manquèron, me siáu pas pogut téner e ai filat come un pet m'embarrar en cò mieu !

Jour de chasse

Ce jour-là est jour de chasse et les copains du Mathias Querre lui ont demandé de rester à l’affut à un endroit précis où les sangliers qu’ils rabattront doivent passer. La consigne est simple, ne bouger sous aucun prétexte. Le Mathias aime les bois et a hérité d’une grand-mère sorcière le don de comprendre le langage des bêtes.

Et les choses ne se passent pas comme prévu. Quand les chasseurs arrivent les sangliers sont passés et le Mathias n’est plus là.

Rentrés au village ils se rendent chez lui et le trouve effondré, il pleure, il tremble, plus pale qu’un petit matin d’hiver. Et il explique :

- Quand les corbeaux ont décidé de me caguer dessus et que tous les oiseaux des bois ont décidé de les imiter, je n’ai rien dit et je n’ai pas bougé. Quand un renard est venu et m’a pissé dessus, et que tous les renards et tous les blaireaux ont décidé d’en faire autant, je n’ai rien et je n’ai pas bougé. Mais quand un couple d’écureuil est rentré dans mon pantalon et que j'en ai entendu un dire « Mangeons en une tout de suite et gardons l'autre pour cet hiver », j'ai craqué !

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí