Champelòt e las Rogonosas (revirada novèla)

Per tornar a la pagina “Somari de contes per totei”, clicar aquí

De Joan-Claudi Toidibò Renós, creacion.

Champelòt e las Rogonosas

Es una istòria del temps que viviá a-n Alès un brave òme, que s'apelava Champelòt. Fasiá lo menaire de mariòtas, de las que se fai dançar amb de baguetas e de las ficèlas per divertir lo paure monde. Èra un mèstre en son domeni, e òm se preissava per veire virolejar las monacas. Vos cal dire qu’èran polidas, las mariòtas, polidas de n'oblidar d'alenar. E autrament mai plan atrencadas que son proprietari. Avián lo cap de porcelana sonhosament pintrada a man, de pel natural - d'unas gents èran tan pauras en aquel temps que se fasián rasclar lo cap per subreviure. Sos vestits èran de la seda melhora e de velós penchenat, flocats de dentèlas dels païses d'Auvèrnhe. Sa mesa èra en tot ponch parièra a la de las dònas polidas de l'epòca. Mas sustot avián, las mariòtas, de sabatonets envernissats, de fusta preciosa, tachonats d'argent, que sonavan clars e fòrts sus las caladas de los pòrges de glèisas o la tèrra dels camps de fièra. Vos balhavan tanben enveja de dançar los sabatonets tachonats e los caliá veire virolar amb gràcia e conviccion pel branle, la gavòta, la pavana o lo rigaudon. Fasián farfantèla e la practica prestava pas mai atencion als dets de l'artista manejant los fils e las baguetas !

Pasmens, malgrat son art e sa natura aimabla, carcanhava lo Champelòt. Vos cal dire tanben qu'aviá pas jamai plorat. Emai nenet sorisiá e bresilhava de contunh lo Champelòt, e d'unes lo disián, el tan brave, endemoniat. Pareis que per aimar, cal aver fòrça plorat, aquò explicava probable que, malgrat qu'aguèsse los tempes grises, aviá pas jamai trobat de se maridar.

Un jorn, en tornant d'Usès, lo susprenguèt la chavana mentre que passava al costat del luòc ditz la pèira plantada, a la dintrada d'Alès. Aquí se quilhava un d'aqueles megalits que los bretons apèlan menhir, e que se tròba jos d'autres noms en Occitània : pèira levada, pèira donda, pèira plantada, pèira que dança, pèira tampona…

Cercava un abric lo Champelòt quand apareguèron, a meteis temps que lo primièr liuç, de femnònetas, gaire mai grandas que de mainatges de sièis ans, de pel rog, de las aurelhetas delicatas e ponchudas (coma èran de fadas, aquò ié estava plan), e de grands uèlhs verds en amètla... S'amaguèt lo Champelòt plan lèu darrièr un arbratge de cades perque aviá reconegut en elas de Rogonosas.

Que son las Rogonosas ? Eh ben son de fadetas qu'abitan lo país de las fonts caudas, endacòm jos tèrra, del costat de Cantal. Se ditz qu'apareisson amb lo primièr liuç prèp de las pèiras plantadas, per dançar nudas jos la pluèja, e que s'evaporan al primièr rai de solelh - un pauc de bruma que dança, un brèu momenton, e puèi mai res. Malaür a qual se daissa entrainar dins la dança : partís amb elas al país de las fonts caudas quand lo solelh se'n las ven careçar - un pauc de bruma que dança, un brèu momenton, e puèi mai res !

Ausissiá las fadetas martelar lo sòl, lo Champelòt, amb un res d'agaçament e de tristesa mesclats :

- Amb lo pè picam ; amb lo pè picam...

Subte sentiguèt qualqu'un lo tirar pels basques de son vestit : una Rogonosa, la sola de sa mena qu'aguèsse paur de la chavana e qu’ aviá cercat un abric. Vesent l'uman, aviá somiat trobar al près d'el un pauc de reconfòrt. L'idèa èra pas gaire urosa : lo Champelòt subresautèt, l’arbratge de cades tremolèt, e lèu l'entrainèron per dançar las Rogonosas totas !

- Dançar nos veire voliás, òme ? Al bal de las fadas convidat ès ! (parlan coma aquò las rogonosas)

S'apercebèt plan lèu lo menaire de mariòtas quant las intrigava lo bruch de sos sabatons a el ! Èra la sola partida de sa vestidura qu'aguèsse de la valor. Se deviá desplaçar per son mestièr de fièras en mercats e possedissiá de bons sabatons de cuèr de Carcin, que graissava e que cambiava regularament las tachas. Quand dançava, sonavan los sabatons tachonats del Champelòt d’un son quasi tant agradiu coma lo dels mariòtas.

- Picatz amb lo pè, mas comaires, picatz amb lo pé, el badinèt !

- Las, l'òme, de pès picar poscam pas mai, tròp pichons son !

Aguèt una idea lo Champelòt. Se liberèt de la ronda de Rogonosas e corrèt cap a son sac. Ne tirèt doas monacas a cap de porcelana delicadament pintradas a man, de pel natural, de vestits de seda, de dentèlas e de velós brodat parièrs a los de las dònas polidas de l'epòca, e de sabatonets tachonats d’argent e envernissats, de fusta preciosa, que sonavan clars e fòrts... tan fòrts e tan clars que se roncèron las Rogonosas sul sac per lo pilhar. Prenguèron non solament los sabatonets tachonats d’argent, mas totes los vestits polits de seda, de dentèlas e de velós brodat. Es vestidas coma de princessas qu'entrainèron tornarmai lo Champelòt, en tenent per la man tanpauc la del menaire de mariòtas, mas la de doas monacas que l’òme manipulava. Talament que quand lo primièr rai de solelh se'n venguèt careçar las Rogonosas, s'evaporèron - un pauc de bruma que dança, un brèu momenton, e puèi mai res. En emportant al país de las fonts caudas, non pas lo Champelòt, mas las doas mariòtas.

Dempuèi, quand s'ausís dins las vals bronzir la montanha, se ditz “ es la chavana ” ; sens saber que son las Rogonosas qu'entamenan lo branle al près de qualque pèira levada !

Quand reprenguèt coneissença l'òme creguèt aver somiat. Mas joncavan lo sòl fangós las monacas desarticuladas. Demorava pas res dels vestits polits, ni dels sabatonets tachonats d’argent e envernissats, las caras de porcelana èran brigalhadas e lo pel natural arrancat volava a l'agrat del vent. Èra arroïnat lo Champelòt.

Subte sentiguèt qualqu'un lo tirar pels basques de son vestit. Vegèt una rainala de pel rog, de las aurelhetas delicatas e ponchudas ( coma èra una rainala aquò li anava fòrça plan ), e de grands uèlhs verds en amètla. La Rogonosa, la sola de sa mena qu'aguèsse paur de la chavana, aviá decidit de pas tornar al país de las fonts caudas e de demorar amb l'uman.

Una vida novèla s'obriguèt a eles : aprenguèt lo Champelòt a la rainala dels torns e se faguèt menaire de rainala, contunhant de córrer coma pel passat los fieirals e los mercats. Aquò adobèt pas res pertocant sa reputación. Se disiá los rainals animals endemoniats tanben. Se'n trufava lo Champelòt : s'èra pres d'una afeccion granda per la bèstia.

Èran uroses ensem, simpletament.

Mas un jorn, en tornant del Còlet de Dèze, tombèron sus tres brigands que se disián los Rimeizencs, de nom del masatge de Losera qu’èran originaris.

- Lo mai grand dels Rimeizencs, dos còps mai grand que lo mejan, èra tan fòrt, que se l'aviá vist tuar un buòu d'un còp de ponh sul front. Es vos dire s'èra fòrt ! Un pauc nèci, sorisiá de contunh e somiava pas qu'a tustar.

- Lo mejan Rimeizenc èra tant adrech, que se l'aviá vist tocar d'una sageta, d'una sola, un cèrvi que corriá a dos cents pès d'ailà !

- Lo mai pichon dels Rimeizencs, qu'èra dos còps mai pichon que lo mejan, èra lo mai rapid : cada matin atrapava vint lèbres a la corsa per noirir lo mai grand...

Quand vegèt los tres brigands, la rainala renèt e s’enarquèt. Puèi conflèt, conflèt, conflèt fins a aténher la talha d'un ase adult. Pel primièr còp, parlèt :

- Champelòt, agafa-te a mon còl, çò diguèt !

Lo menaire de rainala faguèt çò que la bèstia li demandava. Faguèt un escart la rainala per evitar lo ponh mostruós del mai grand dels Rimeizencs, puèi se metèt a córrer... Primièr s'ausiguèt fiular la sageta del mejan Rimeizenc, puèi sonar la corsa del mai pichon. Se l'ausiguèt sonar longtemps, longtemps, longtemps... Enfin lo bruch descresquèt, per cessar del tot. Una cauna se presentava a eles, e lo Champelòt decidiguèt d'i trobar refugi, per permetre a la rainala de se pausar.

Aquí, vegèt una causa afrosa, que l’aglacèt : la sageta del mejan Rimeizenc aviá tocar sa tòca, s'èra ficada dins lo peitral de l'animal. La rainala perdiá la sang a bodre. S'anava morir ! Lo Champelòt sentiguèt quicòm que li trebolava la vista, quicòm d'umida que ragèt puèi lo long de sa gauta, quicòm de tebesa que se destaquèt per tombar sul pelatge rog de la rainala : pel primièr còp de sa vida l'òme plorava ! En pena la lagrema aviá atench la rainala, qu'un liuç formidable illuminèt las parets, un liuç qu'envièt rotlar lo Champelòt a l'autre cap de la cauna. Quand se relevèt, vegèt una femna jove d'una beutat granda, una femna jove de pel rog, de las aurelhas delicadas e arredondidas, e de grands uèlhs verds en amètla : la Rogonosa podiá enfin aimar son Champelòt !

Se maridèron. Aguèron força de mainatges polits. Pasmens deguèron quitar Alès, per anar viure al campèstre... Perqué ? Eh ben perque la Rogonosa, desliurada de la paur de la chavana, sortissiá per dançar nuda jos la pluèja los jorns de mal temps. E aquò, en vila, aquò se fai pas !

E cric e crac mon istòria es acabada

Champelot et les Rougounouses

C'est une histoire qui date du temps où vivait à Alès un brave homme, qui s'appelait Champelot, et qui avait pour métier de distraire les simples et les besogneux ; montreur de mariottes ( les premières marionnettes, de celles qu'on fait danser avec des baguettes et des ficelles ), il était maître en sa pratique, et on se pressait pour voir virevolter les poupées, car elles étaient belles à en oublier de respirer et autrement mieux habillées que leur propriétaire : la tête de porcelaine, soigneusement peinte à la main, les cheveux naturels - certaines gens étaient si pauvres à l'époque qu'elles se faisaient tondre pour survivre ; les habits de la meilleure soie et de velours peigné, agrémentés de dentelles des pays d'Auvergne. La mise des mariottes était en tout point semblable à celle des belles dames de l'époque ; mais surtout elles possédaient de petits souliers vernis, en bois précieux, ferrés d'argent, qui sonnaient clairs et forts sur le pavé des champs de foire et les parvis d’églises, à vous donner envie de danser aussi. Il fallait les voir évoluer avec grâce et conviction pour le branle, la gavotte, la pavane ou le rigodon : l'illusion était parfaite, et l'assistance ne prêtait plus attention aux doigts de l'artiste maniant les fils et les baguettes ! Pourtant, malgré son art et sa nature aimable, le Champelot inquiétait : il faut vous dire qu'il n'avait jamais pleuré ; même bébé il souriait et gazouillait sans cesse, et certains le disaient, lui si brave, possédé du diable. ( Il paraît que pour aimer, il faut avoir beaucoup pleuré ; cela expliquait sans doute que, quoiqu'il eût les tempes grises, le Champelot n'avait jamais trouvé à se marier. )
Un jour, en revenant d'Uzès, l'orage le surprit alors qu'il passait à côté du lieu dit la pierre plantée, à l'entrée d'Alès ( on trouvait là un de ces mégalithes, que les bretons appellent menhir, et que l'on trouve sous d'autres noms dans nos régions : pierre dressée, pierre plantée, pierre qui danse, pierre bamboche...) ; il cherchait un abri quand apparurent, en même temps que le premier éclair, de petites bonnes femmes, guère plus grandes que des enfants de six ans, aux cheveux rouges, aux mignonnes petites oreilles pointues ( comme c'étaient des fées, cela leur allait bien ), et aux grands yeux verts en amande... Le Champelot se cacha bien vite derrière un massif de cades, car il reconnut en elles des Rougounouses.
(Que sont les Rougounouses ? Eh bien ce sont de petites fées qui habitent le pays des sources chaudes, quelque part sous terre, du côté du Cantal ; on dit qu'elles apparaissent avec le premier éclair à proximité des pierres plantées, pour danser nues sous la pluie, et qu'elles s'évaporent au premier rayon de soleil - un peu de brume qui danse, un bref instant, et puis plus rien. Malheur à celui qui se laisse entraîner dans leur danse : il part avec elles au pays des sources chaudes lorsque le soleil s'en vient les caresser - un peu de brume qui danse, un bref instant, et puis plus rien !)
Champelot entendait les petites fées scander, avec un rien d'agacement et de tristesse mêlés : “ Du pied, tapez ; du pied tapez... ” Tout à coup il sentit quelqu'un le tirer par les basques de son habit : une Rougounouse, la seule de son espèce qui eût peur de l'orage, avait cherché un abri ; voyant l'humain, elle avait songé trouver auprès de lui un peu de réconfort ; l'idée n'était guère heureuse : le Champelot sursauta, le massif de cades bougea, et bientôt toutes les Rougounouses l'entraînèrent pour danser ! “ Danser nous voir tu voulais, homme ? Au bal des fées convié tu es ! ” Le montreur de mariottes s'aperçut bien vite combien les intriguait le bruit de ses souliers ! C'était la seule partie de sa vêture qui eût quelque valeur ; il devait se déplacer pour son métier de foires en marchés ; il possédait de bons souliers en cuir du Quercy, qu'il graissait et dont il changeait régulièrement les fers ; quand il dansait, les souliers rendaient un son presque aussi agréable que ceux des mariottes.
“ Tapez du pied, mes commères, tapez du pied, plaisanta-t'il ! 
- Las, l'homme, des pieds taper ne pouvons ; trop petits sont ! ”
Le Champelot eut une idée : il s'arracha à la ronde des Rougounouses et courut vers son sac. Il en tira deux poupées à tête de porcelaine délicatement peinte à la main, aux cheveux naturels, aux habits de soie, de dentelles et de velours brodé semblables à ceux des belles dames de l'époque, et aux petits souliers vernis, de bois précieux, ferrés d'argent, qui sonnaient clairs et forts... si forts et si clairs que les Rougounouses se jetèrent sur le sac pour le piller : elles prirent non seulement les souliers, mais tous les beaux habits de soie, de dentelles et de velours brodé ; c'est vêtues comme des princesses qu'elles entraînèrent de nouveau le Champelot, en tenant par la main non plus le montreur de mariottes, mais les deux poupées qu'il manipulait ; si bien que lorsque le premier rayon de soleil s'en vint caresser les Rougounouses, elles s'évaporèrent - un peu de brume qui danse, un bref instant, et puis plus rien ; en emportant au pays des sources chaudes, non pas le Champelot, mais les deux mariottes. ( Depuis, quand on entend dans les vallées gronder la montagne, on dit “ c'est l'orage ” ; sans savoir que ce sont les Rougounouses qui entament le branle auprès de quelque pierre levée ! ) Quand l'homme reprit connaissance il crut avoir rêvé ; mais les poupées désarticulées jonchaient le sol boueux. Il ne restait rien des beaux habits, ni des souliers vernis, les visages de porcelaine étaient brisés et les cheveux naturels arrachés volaient au gré du vent : le Champelot était ruiné. Soudain il sentit quelqu'un le tirer par les basques de son habit ; il vit une renarde au poil rouge, avec de mignonnes petites oreilles pointues ( comme c'était une renarde cela lui allait fort bien ), et de grands yeux verts en amande ; la Rougounouse, la seule de son espèce qui eût peur de l'orage, avait décidé de ne pas retourner au pays des sources chaudes et de rester avec l'humain. Une nouvelle vie s'ouvrit à eux : le Champelot apprit à la renarde des tours et il se fit montreur de renarde, continuant de courir comme par le passé les foires et les marchés. Cela n'arrangea rien quant à sa réputation ; on disait les renards animaux démoniaques. Le Champelot s'en moquait : il s'était pris d'une grande affection pour la bête ; ils étaient heureux ensemble, simplement.
Un jour, en revenant du Collet de Dèze, ils tombèrent sur trois brigands que l'on appelait les Rimeizenc (du nom du hameau de Lozère dont ils étaient originaires).
- Le plus grand des Rimeizenc, deux fois plus grand que le moyen, était si fort, qu'on l'avait vu tuer un boeuf d'un coup de poing sur le front ; c'est vous dire s'il était fort ! Un peu niais, il souriait sans cesse et ne songeait qu'à cogner.
- Le moyen Rimeizenc était tellement adroit, qu'on l'avait vu abattre d'une flèche, d'une seule, un cerf qui courait à deux cents pieds de là !
- Le plus petit des Rimeizenc, qui était deux fois plus petit que le moyen, était le plus rapide : tous les matins il rattrapait vingt lièvres à la course pour nourrir le plus grand...
Quand elle vit les trois brigands, la renarde grogna et fit le gros dos ; puis elle enfla, enfla, enfla jusqu'à atteindre la taille d'un âne adulte ; pour la première fois, elle parla : “ Champelot, accroche-toi à mon cou ”, dit-elle ! Le montreur de renarde fit ce que la bête lui demandait ; elle fit un écart pour éviter le poing monstrueux du plus grand des Rimeizenc ; ensuite elle se mit à courir... D'abord on entendit siffler la flèche du moyen Rimeizenc, puis sonner la course du plus petit ; on l'entendit sonner longtemps, longtemps, longtemps... Enfin le bruit décrut ; pour cesser tout à fait. Une grotte se présentait à eux, et le Champelot décida d'y trouver refuge, pour permettre à la renarde de se reposer ; là, il vit une chose affreuse, qui lui glaça le sang : la flèche du moyen Rimeizenc avait fait mouche, elle s'était fichée dans le poitrail de l'animal ; la renarde perdait le sang abondamment. Elle allait mourir ! Le Champelot sentit quelque chose qui lui brouillait la vue, quelque chose d'humide qui coula ensuite le long de sa joue, quelque chose de tiède qui se détacha pour tomber sur le pelage rouge de la renarde : pour la première fois de sa vie l'homme pleurait ! À peine la larme avait-elle atteint la renarde, qu'un éclair formidable illumina les parois, un éclair qui envoya bouler le Champelot à l'autre bout de la grotte ; quand il se releva, il vit une jeune femme d'une grande beauté, une jeune femme qui avait des cheveux rouges, de mignonnes petites oreilles arrondies, et de grands yeux verts en amande : la Rougounouse pouvait enfin aimer son Champelot !
Ils se marièrent ; ils eurent de bien beaux enfants ; pourtant ils durent quitter Alès, pour aller vivre à la campagne... Pourquoi ? Eh bien parce que la Rougounouse, délivrée de la peur de l'orage, sortait pour danser nue sous la pluie les jours de mauvais temps ; et ça, en ville, ça ne se fait pas ! 

Et cric et crac mon histoire est finie 

Per tornar a la pagina “Somari de contes per totei”, clicar aquí