Come Vent de Sud aprenguèt a l'òme a careçar la femna

Per tornar a la pagina de Somari de Contes per totei, clicar aqui

Per tornar a la pagina de Somari de Contes traditionaus, clicar aquí

Per tornar a la pagina de Somari de Contes per adults, faceciós e urbans, clicar aquí 

Segon un conte deis indians algonquins, per Joan-Claudi Toidibò Renós 

Come Vent de Sud aprenguèt a l'òme a careçar la femna

(texte en français en fin de page)

Aquò s'es passat come aquò !

Èra de tota eternitat Grand-Manitó, lo Fòrça-Naut, l'Esperit de l'Esperit, Aqueu-que-pòt-tot. E èra Amor Grand-Manitó,  se definissiá dins la vastor de son Amor.

Creèt tota causa Grand-Manitó.

Soleu, Luna e Estelum.

Creèt Tèrra-Maire Noiricièra.

L'Esperit de l'Esperit, Aqueu-que-pòt-tot, somièt l’aubrilha e la planta, la flòra e lo frucham, l'èrba e lo pradatge. Se cobriguèt Tèrra-Maire Noiricièra d'aubres e de plantas, de flors e de fruchs, d'èrbas e de pradas.

Somièt de peissum e d'insèctes Grand-Manitó, d'aucelum e de reptils e de totei menas d'animaus. Se poblèt de peis e d'insèctes Tèrra-Maire Noiricièra, d'aucèus e de reptils, e de totei menas d'animaus.

Espelèt l'Òme-en-devenir, de Filh de l'Esperit, filh e fraire de Grand-Manitó, e de Grand-Càrri, e congreèron d'autreis òmes, e d'autrei femnas.

Aprenguèt de véncer la paur l'Òme, e de dontar lo fuòc. Èra un guerrier. Aprenguèt de se protegir dau freg e se dotèt de vestits. Se regropèt ambé sei parièrs en wigwam.

Aimava la Femna, e aimava luchar amorosament amb ela.

Sofrissiá de languitòri la Femna !

Compreniá pas l'Òme perqué èra trista e insatisfacha la Femna après qu'aguèt luchat amorosament amb ela.

Caçava per ela o non ? Mancava de qué manjar, de vestits, de jòias, de fustas o de beluras de fèsta ?

A la prima, retrobava la Femna vam e sorire. Lo ser, relevava la pèu d'orinhau dau teepee abans de prene plaça a costat de l'Òme.

De matin, la trobava pensativa e urosa l'Òme. Volguèt ne saupre plus.

Aquela nuèch faguèt mina de dormir. Veguèt Vent-de-Sud entrar dins un murmur per l'obertura dau teepee. Veguèt come remontava lo long de la camba de la Femna, come s'atardava sus lo poput de la cuèissa e come s’esquilhava sota la rauba. Veguèt come la Femna bolegava doçament. L'ausiguèt aissejar. Se desvestèt la Femna per laissar tot léser a Vent-de-Sud d'explorar son còrs.

Fòu de gelosiá, l'Òme s’auçèt e temptèt de picar Vent-de-Sud, mai s’escapèt vivament lo Vent tot come aviá penetrat dins la tenda. Alora l'Òme tustèt la Femna.

L'endeman, èra revengut Vent-de-Sud.

Barrèt l'Òme totei leis oberturas dau teepee. Mai tornava totjorn Vent-de-Sud. S'introdusiá per la dobertura dau cap, o per lo mai pichòt trauc de la pèu d'orinhau e rejonhiá la Femna. Ausissiá l'Òme lo geme de la Femna, la vesiá se graumilhar sota la careça de Vent-de-Sud. Vesiá seis uèlhs tresvirar e se banhar de saliva lo canton de sei bocas. Sorisiá la Femna, e lo quicòm d’escupinha que rajava lo long de sa gauta.

Ne perdèt lo sòm l'Òme. Deviá caçar lo jorn. Aimava la Femna. Èra gelós e podiá pas laissar la Femna a Vent-de-Sud.

Un jorn comprenguèt l'Òme ! Comprenguèt que podiá véncer Vent-de-Sud en l'afrontant sus son pròpri terren. Comprenguèt que Vent-de-Sud èra pas son rivau, ni son enemic. Èra lo mandador de Filh de l'Esperit, filh e fraire de Grand-Manitó, lo Fòrça-Naut, Aqueu-que-pòt-tot. Èra lo messatgièr de l'Esperit.

Prenguèt la pena l'Òme d'agachar la Femna dins sa nuditat. S'impregnèt d'ela, de caduna de sei corbas, de la color de son peu, de son odor, de seis uèlhs a mitat-claus. La trobèt bèlla bèlla e volguèt luchar amorosament amb ela. Se faguèt violéncia e se mestrejèt. Carecèt la camba de la Femna come l'aviá vist far a Vent-de-Sud e veguèt leis uèlhs de la Femna se velar. Se banhèron d'un pauc de saliva lei bocas entredobèrdas. Ressentiguèt plaser l'Òme de careçar la Femna. La sentiguèt se plegar come leis èrbas nautas de la prada abans la chavana. Fremissiá son còrs come leis aigas dau lac banhant lei ròcs. Se motlèt contra ela. Se moviá au meme ritme qu'ela. Respirava au meme ritme qu'ela…

Veguèt alora aqueu quicòm mai que compreniá pas esclairar sa cara. Aqueu quicòm mai que l'Òme associava fins ara a Vent-de-Sud. Lo plaser d'amor !

Comment Vent-du-Sud apprit à l'Homme à caresser la Femme

Ça s’est passé comme ça ! Grand-Manitou, le Très-Haut, l’Esprit de l’Esprit, Celui-qui-peut-tout était, de toute éternité. Grand-Manitou était amour ; il se définissait dans l’immensité de son amour. Il créa toute chose. Soleil, Lune et Etoiles. Il créa Terre-Mère Nourricière. L’Esprit de l’Esprit, Celui-qui-peut-tout, rêva les arbres et les plantes, les fleurs et les fruits, l’herbe et la prairie. Terre-Mère Nourricière se couvrit d’arbres et de plantes, de fleurs et de fruits, d’herbe et de prairies. Grand-Manitou rêva de poissons et d’insectes, d’oiseaux et de reptiles et de toutes sortes d’animaux. Terre-Mère Nourricière se peupla de poissons et d’insectes, d’oiseaux et de reptiles, et de toutes sortes d’animaux. De Fils de l’Esprit, fils et frère de Grand-Manitou, et de Grande Ourse, naquit l’Homme-en-devenir, et d’autres hommes, et d’autres femmes. L’Homme apprit à vaincre la peur et à dompter le feu. Il apprit à se protéger du froid et se dota de vêtements. Il se regroupa avec ses semblables en wigwam. L’Homme était un guerrier. Il aimait la Femme, et aimait lutter amoureusement avec elle. Il ne comprenait pas pourquoi la Femme était triste et insatisfaite après qu’il eut lutté amoureusement avec elle. La Femme souffrait de langueur ! Ne chassait-il pas pour elle ? Manquait-elle de nourriture, de vêtements, de bijoux, de bois ou de parures de fête ?

Au printemps, la Femme retrouvait allant et sourire. Le soir, elle relevait la peau d’orignal du teepee avant de prendre place aux côtés de l’Homme. Au matin, il la trouvait pensive et heureuse. L’Homme voulut en avoir le cœur net. Une nuit il fit semblant de dormir. Il vit Vent-du-Sud pénétrer dans un murmure par l’ouverture du teepee. Il vit comment il remontait le long de la jambe de la Femme, comment il s’attardait sur le gras de la cuisse et se glissait sous la robe. Il vit comment la Femme bougeait doucement. Il l’entendit gémir. La Femme se déshabilla pour laisser tout loisir à Vent-du-Sud d’explorer son corps. Fou de jalousie, l’Homme se dressa et tenta de frapper Vent-du-Sud, mais Vent-du-Sud se déroba aussi aisément qu’il avait pénétré dans la tente. Alors l’Homme frappa la Femme. Le lendemain, Vent-du-Sud était de retour. L’Homme fermait toutes les ouvertures de l'habitation, mais Vent-du-Sud rentrait toujours. Il s’introduisait par le toit, ou par le plus petit trou de la peau d’orignal et rejoignait la Femme. L’Homme entendait la Femme gémir, il la voyait se tordre sous la caresse de Vent-du-Sud. Il voyait ses yeux révulsés, et le coin de ses lèvres mouillé de salive. Elle souriait, et une larme coulait le long de sa joue. L’Homme perdit le sommeil. Il devait chasser le jour. Il aimait la Femme. Il était jaloux et ne pouvait abandonner la Femme à Vent-du-Sud.

L’Homme comprit ! Il comprit qu’il pouvait vaincre Vent-du-Sud en l’affrontant sur son propre terrain. Il comprit que Vent-du-Sud n’était ni son rival, ni son ennemi. Il était l’envoyé de Fils de l’Esprit, fils et frère de Grand-Manitou, le Très-Haut, Celui-qui-peut-tout. Il était le messager de l’Esprit. L’Homme prit la peine de regarder la Femme dans sa nudité. Il s’imprégna d’elle, de chacune de ses courbes, de la couleur de ses cheveux, de son odeur, de ses yeux mi-clos. Il la trouva belle et eut envie de lutter amoureusement avec elle. Il se fit violence et se domina. Il caressa la jambe de la Femme comme il l’avait vu faire à Vent-du-Sud et vit les yeux de la Femme se voiler. Un peu de salive humecta ses lèvres entrouvertes. L’Homme ressentit du plaisir à caresser la Femme. Il la sentit se ployer comme les hautes herbes de la prairie avant l’orage. Son corps frissonnait comme les eaux du lac baignant les rochers. Il se coula contre elle. Il se mouvait au même rythme qu’elle. Il respirait au même rythme qu’elle… Il vit cet autre-chose qu’il ne comprenait pas éclairer son visage. L’autre-chose qu’il associait jusque-là à Vent-du-Sud. Le plaisir d’amour !

Per tornar a la pagina de Somari de Contes per totei, clicar aqui

Per tornar a la pagina de Somari de Contes traditionaus, clicar aquí

Per tornar a la pagina de Somari de Contes per adults, faceciós e urbans, clicar aquí