Senegal

République du Sénégal Flago di Senegal Blazono di Senegal Chefurbo: Dakar ·Lojanti: 1,030,594 (2005) Precipua urbo: Dakar Oficala linguo: Franciana Guvernerio: Republiko ·Prezidisto: Abdoulaye Wade ·Chefa ministro: Souleymane Ndéné Ndiaye Surfaco: (87ma granda) ·Totala: 196,723 km² ·% aquo: 2,1 Lojanti: (67ma granda) ·Totala: 13,711,597 (2009) ·Lojanto-denseso: 69,7 loj./km² Nacionala himno: Pincez Tous vos Koras, Frappez les Balafons Pekunio: West-Afrikala Franko CFA Reto-kodo: .sn Precipua religio: islamo 87,5%, Animismo 6,2%, Kristanismo 5,5% (Katolikismo: 4,7) (2000)

Senegal esas lando qua jacas en Afrika. La frontieri di Senegal esas Atlantika Oceano weste, Mauritania norde, Mali este, e Guinea e Guinea Bisau sude. Gambia formacas virtual inkluzajo en Senegal, penetrante plu kam 300 km interne.

Bazala fakti pri Senegal.

Historio

La regiono di nuna Senegal esis konocita kom Supra Guinea da Europana komercisti. Kom ne existas skribita historio de periode ante l'arivo di Europani, la historio di la regiono esas konocata precipue da arkeologiala exkavuri, e la historii skribita en Araba linguo. Ta fonti indikas ke Senegal esis unesme populizita de nordo e de esto til sudo e westo, en diversa migradi di Wolof, Fulani e Serer populi. Parto di lua teritorio anke partoprenis a l'imperio di Ghana e pos a l'imperio di Mali.

Diversa Europana nacioni - Portugal, Nederlando, Anglia - konkurencis por komerco en la regiono til 1677, kande Francia okupis un importanta punto por komercar sklavi, l'insulo di Gorée, proxim nuna Dakar. Nur dum la 1850a yari Francia komencis explorar l'internajo di nuna Senegalana teritorio.

Ye 1959 Senegal e Franca Sudan unionis por formar Mali Federuro, qua divenis nedependanta ye 20 di junio 1960. Pro interna desfacilesi, la Federuro ruptis, e Senegal divenis nedependanta ye 20 di agosto 1960. Léopold Sédar Senghor divenis lua unesma prezidisto ye septembro sam yaro. Senghor e chefa ministro Mamadou Dia guvernis en un parlamentala sistemo.

Senegal unionis kun Gambia en la Konfederuro di Senegambia dum kurta periodo, de 1 di februaro 1982 til 1989.

Politiko

Senegal esas parlamentala republiko. La prezidisto elektesas por 5-yara periodo da populo.

La Parlamento havas 1 chambro e 120 membri. Existas plu kam 80 politikala partisi.

Geografio

Senegal.

Senegal esas lando en westa Afrika sude del Senegal-Rivero. La insuli Kabo Verda jacas 560 km fore del Senegalana marbordo.

Lua precipua peizajo esas la basa tereni de Sahel regiono, kun mikra kolini en sudo di lando. Ibe jacas la maxim alta monto di lando, kun 584 metri di altitudo. La precipua fluvii di lando esas Senegal, Gambia e Casamance.

La klimato di lando esas tropikala, kun du sezoni: sika, de decembro til aprilo, e pluvoza de junio til oktobro.

Ekonomio

Videz anke: Ekonomio di Senegal.

Demografio

De 10,9-miliona populo 87,5 % esas Muslimani e 4,7 % Romala-Katolika.

Oficala linguo esas franciana. Lokala lingui esas Wolof, Jola e Mandika.