Avstand

Avstand, ikkje i meter,

men i tause ord

blikk som ikkje vert sendt

steg over golvet, att og fram

men aldri i møte

aldri mot kvarandre

alltid forbi, vidare vidare fram fram

mot andre sida av rommet

(der du ikkje er)

Molekyla i kroppen sakkar farta,

stivnar, som i ein kamp for livet

der enden

den totale stillstand

nærmar seg uunngåeleg, fryktsamt

Avstand, ikkje i luft mellom oss,

men i den forma lufta har;

molekyl med faste avstandar,

nesten 273 grader kaldare

enn der vi mista kontakten