Vottar og sokkar i skjønn forening….

Her kjem litt av det eg driv med når eg ikkje er på arbeid. Noko har vel kanskje vore innom arbeid og , når eg er på nattevakt…

Pearl Chain mittens strikka i restar av finull og pt2. Tova i maskin på 40 gr. Tjukke og gode vart dei. Desse kunne eg godt ha strikka litt kortare før eg starta på tommelen. Det får bli på neste par..

Korte Hearts for my children sokkar frå Bitta. Desse er strikka i austeman step og opal. Desse kan det og bli fleire av.

Selbuvottar strikka i safir garn.

Love hearts vott frå Lillcat design. Stikka i restar frå finull og pt2. Endå har eg meir restar.. Fine å bruka opp restar til.

Til slutt Grove mittens frå Jared Flood. Desse er strikka i nepal frå drops.

Dette er litt av det eg har strikka den siste tida, då eg ikkje kan bruke fritida mi på lange fjellturar. Noko eg saknar veldig..

Snøen er komen og då trengs det vottar…..

I projo sin votte og sokke along så var det ugler som var tema i oktober. Eg valgte Horatio and oren, då eg hadde sett på desse før. Dei sto vel eigentleg på strikkelista… og den er lang Desse er strikka i cascade 220. Passar mi vetle hand heilt perfekt.

Nokon ymta frampå om at dei vottane dei fekk i fjord var for små. Kva anna kan ein gjera då, enn å strikka nye og større. Desse er Puddelvottane til Jorid Linvik. Strikka i pt2 og finull.

Dette året har eg slete med plantar facit og har vondt under beina, slik at det har vorte veldig lite fjellturar på meg. Alle dei turarane eg hadde tenkt å gå i sommar dei gjekk rett i vasken. Endå så er eg ikkje god i beina, men eg klarar å gå nokre korte turar. Går eg litt for langt så verker eg i føtna etter på. Trass smerter så har eg hatt meg ein liten tur på Kollsetevatnet for å kjenne på snøen Gledar meg til eg kan ta skia i bruk.

Sidan det vert lite turgåing så vert det ein del strikketid. Her er soria moria votten frå mysterie strikkinga tidlegare i haust. Mønsteret finn ein i “votter fra eventyrskogen”. Desse er strikka i pt2.

Bella vottar for endte gong. Veit ikkje kor mange det er vorte. Desse er strikka i drops nepal. Godt garn å strikke med.

Månelyst ein kveld eg var på tur. Her eg bur er det ingen gatelys, så her er det hovudlykt så må til skal ein gå om ettermiddagen.

Projo vottealong….ei lita oppdatering.

August vottane

En revant de Provence, strikka i diverse restar av Rauma finull og pt2. Kjekke vottar å strikka og ein får brukt opp litt restar.

 

September vottane.

Anemoi mittens, strikka i drops alpaca. Desse skal eg strikke fleire av, men då med fargar som gjev litt større kontrastar og passe på å ikkje stramme på oppleggskanten/fyrste omgangane.

 

Oktober vottane.

Freja, er strikka i Rauma gammelserie. Dette mønsteret var eg ikkje så begeistra for til å begynne med. Likte best innsida på votten. Men etter at dei var ferdigstrikka, så likar eg mønsteret meir og meir.

 

November vottane.

Tiddelibom, er strikka i Rauma finull og pt2. Desse var kjempe kjekke å strikka. Fine å bruke restegarnet på. Og med mykje pt2 og finull i restegarnet så kan det bli fleire slike.

No har eg berre eit par att på denne alongen og det er desembervottane. Mønsteret på dei kjem 1 desember. Eg er klar!

Det har vorte strikka ein del andre vottar og….

Projo vottealong 2013 juni og juli.

Då var eg endeleg ajour i vottealongen til projo, det er så seigt å ligge etter. Noko som fort kan skje på denne tida av året då det ikkje vert så mykje strikking som ellers.

Dette er juni vottane, det eine alternativet i allefall. Florisse mittens av Bitta Mikkelborg. Dette er ei dame som lagar mange fine vottar, og som no har laga si eiga sokkebok som kan kjøpast på bokhandelen til hausten. Stå på Bitta. Desse vottane er strikka i Hverdags frå DSA. Gode og mjuke vottar.

Her er juli vottane eller pulsvottar. Dette er Ei hand å holde i av Randi Kiester, også ei dame som lagar mange fine mønster. Desse er strikka i cascade finering, som er eit nytt garnmøte for meg. Men det var eit godt møte. Mjuk og god, rein ull.

No er det berre å vente til neste mønster kjem 1 august.

Annes blomst.

Her går det vist i vottastrikking midt på sommaren. Det går litt tregare enn på vinterstid, men no er dei endeleg ferdig med mai vottane. Likevel ligg eg etter i Projo sin vottealong, då eg ikkje har starta på junivottane og det straks er juli med nytt mønster.

Greit å vere med på slike alongar. Ein får litt press på vottestrikkinga, noko som kan resultera i vottar til jul. Og ein strikkar mønster som ein kanskje ikkje hadde kome på ellers.

Mønster: Annes blomst av Wenche Roald.

Garn: Gammelserie frå Rauma.

Pinnar: 2.5 mm.

Klassiske vottar av Tove Fevang.

Her går det i vottar dagen lang, når eg ikkje er på jobb eller går tur. Eller ryddar litt Endeleg fekk eg ferdig desse vottane og, den eine har vore ferdig ei heil stund, men det sat langt inne å gjere ferdig den andre…..men no er jobben gjort. Då eg såg desse fyrste gongen måtte eg berre strikka dei, for dei var så fine. Framsida er fin, men jammen likar eg godt innsida og. Takk til Tove som har laga eit så fint mønster.

Mønsteret: er frå Familien 3/2012 og er eit Tove Fevang mønster.

Garn: Daletta frå Dalegarn.

Pinnar : 2.5 mm.

Ikkje enkelt å ta bilder av vottane i bruk når ein er heime aleina. Men her er no det eg fekk til Sol og fint har me det her i sogn i dag. Håpar morgo dagen vert like fin, for då har eg fri og har tenkt meg ein tur på ski.

Ha ein fin dag.

Vottar eller mittens :)

Babyvottar etter mønster frå Rauma hefte LVS-5 selbustrikk. Dette heftet har mange fine vottar. Vottane er strikka på pinne 2.5 og 2 tr gammelserie frå rauma. Desse vottane er med i projo sin vottealong 2013.

Så var det vottane Stripeleik. Dei er januar vottane i vottealongen til projo 2013.  Mønster Stripeleik det finn du her. Desse har eg strikka i pt2 og pinne nr 3mm. Besta vottaganet som er, vil eg påstå Litt stivt og hardt å strikka med, men vert godt og mjukt etter ein liten vask. Tova desse vottane litt i tørketrommelen, så no passar dei meg.

Så til sist  har eg strikka puddelvottane til Jorid Linvik. Enkle mønster å strikka etter. Mønster får du kjøpt her. Det er berre til å bla litt nedover sida hennar, så finn du dei. Desse er og strikka i pt2 og fin ull.

SÅ her har det litt av det eg driv med for tida, VOTTAR til store og små. Så til jul vert det sikkert vottar til heile familien  

Jolnirs hjarte vottar....

Her kjem hjartevottane... Merkeleg kor lang tid ting skal ligga før det kjem på bloggen, kanskje dei treng litt modning:) Desse vart strikka ferdig i sydenvarmen:)
Desse er strikka i ullteppegarn kjøpt på sparkjøp, mønsteret har kjøpt på Ravelry.com og heiter jolnir av Emmy Petersson.
Desse kjem eg nok til å strikke fleire av, men då i litt tjukkare garn, for dei vart litt små. Eller det vil sei at dei passa meg heilt fint, men so har ikkje fg så store hender.